Sinanlag
Dai ini ikaribong sa Sinigang.An Sinanlag, pig-aapod man sa Ingles na garlic fried rice o garlic rice, iyo an sarong putaheng sinanlag kan Pilipino na pigluluto sa paagi kan pig-gisang pang-inot na luto na bagas na igwang bawang. Urog na marhay na gamiton an maluto kun ini bahaw na, parati na natadang luto na bagas hali pa sa nakaaging aldaw, huli ta nagreresulta ini sa bagas na medyo nangangalsom asin mas pusog. Pigsahugan ini nin pigtostang bawang, gapong asin, itom na paminta asin pigtadtad sibulyas kun dihan. An mga tipasi kan bagas perpektong mahiwas asin dai magkadukot.[1][2][3][4][5]
 | |
| Alternatibong ngaran | Sinanlag na bawang, malutong igwang bawang, Sinanlág kan Pilipino, Sinanlág kan Filipinas |
|---|---|
| Kurso | Pangenot na lutoon |
| Ginikanang lugar | Filipinas |
| Rehiyon o istado | Filipinas,bantog man ini sa Indonesya, Malayo asin Singapura |
| Ginibo ni | Lutong Pilipino |
| Pangenot na sahog | Sinanlág sa lana na igwa nin dakol na bawang |
| Mga baryasyon | Malutong Aligue, Sinanlag na Bagoong |
Bihira sana ining kakanon na iyan sana, alagad parating pigteternuhan nin "alang" na mga putaheng karne arog kan tosino, longganisa, tapa, hotdog, Spam, o alang (toyo o dried fish), na iyo man sa pagdagdag kan pigbate o prinitos na sugok. Bakong arog kan lain pang mga tipo kan na sinanlag, dai ini parating minagamit nin mga sahog apwera sa bawang, tanganing dai madaog an lamit kan pangenot na panira.[1][2][4][5] Sa rehiyon kan Bisaya sa Filipinas, tradisyonal na pigsasahugan an sinanlág nin asín tibuok.[6]
Parating parte na an Sinanlág sa tradisyonal na pamahawan kan mga Pilipino asin parating pigpepreparar ini na igwang natadang maluto o bahaw kan nakaagi pang pamanggihan. Dihan, pigluluto ini sa natadang sarsa asin lana hali sa Adobo, tanganing mabawasan an pagkasayang sa pagkakan. Ini kadalasan mahihiling sa lamesa kan sarong pamilya lalo na pag-amay. Pamahawan na magabat sa tulak asin madali sanang i-preparar o i-serbe nin huri ta kadikit sana an sangkap o sahod pero manamit asin dae nakakasawa.
Hilingon man
baguhonToltolan
baguhon- ↑ 1.0 1.1 Cabrera, Maryanne. "Sinangag Filipino Garlic Fried Rice". The Little Epicurean. Retrieved 20 January 2019.
- ↑ 2.0 2.1 Vanjo Merano. "Sinangag Recipe". Panlasang Pinoy. Retrieved 8 December 2014.
- ↑ "Sinangag". Kawaling Pinoy. Retrieved 20 January 2019.
- ↑ 4.0 4.1 "Garlic Fried Rice (Sinangag) - How to Cook". Filipino Food Recipes. Archived from the original on 29 November 2021. Retrieved 20 January 2019.
- ↑ 5.0 5.1 "Recipe #21: SINANGAG (Garlic Fried Rice)". Luto ni Lola. Archived from the original on 29 November 2021. Retrieved 20 January 2019.
- ↑ "Tultul "Rock" salt from Guimaras". Flavours of Iloilo. Retrieved 19 December 2018.
