Rodeo Masbateño Festival

An Rodeo Masbateño Festival sineselebrar poon Abril 9 sagkod 13 sa probinsya nin Masbate. Ini sineselebrar kada taon asin tinatawan atensiyon an indutriya nin baka asin atamanon.

Uusipon

An Rodeo Masbateño Festival tigkokonsidera na "Ina kan gabos na Kapiestayahan" sa Masbate na inot na nagpoon kan 1993 na iginibo ni Emilio Espinosa, dating gobernador kan Masbate para mas maipabisto an industriya nin baka kan probinsya.

Huli ta bistado an Masbate bilang "Banwaan nin Baka sa Pilipinas", naging basehan ini kan konsepto kan "Rodeo Masbateño". Iba pang mga obheto an pagpapa-asenso kan kita asin turismo kan probinsya. Sagkod, mas mapabisto an probinsya bako lang sa lokal kundi internasyonal para maglangkaw an tungod kan Masbate sa aspeto nin politika asin sosyal saka ekomoniko.

Idineklara ni dating Presidente Gloria-Macapagal Arroyo an Masbate na Rodeo Capital of the Philippines kan Septyembre 2, 2002.

Aktibidad

• Rodeo National Finals
• Bull Riding
• Casting Down
• Carambola
• Cattle Run
• Cattle drive
• Huego de Toro - kun saen mauuli nin mga residente an mga baka na madadakop ninda
• Trade Fair
• Rodeo Salon
• Livestock Show
• Carnival rides
• Barn Dance Competition
• Beef cooking contest
• Rodeo tattoo show
• Boxing Match

Kapakanan nin mga hayop

Siniguro kan komite na dae malapas sa mga probisyon kan Republic Act No. 8485 (Animal Welfare Act of 1998) para masiguro an kapakanan nin mga baka sa pagpili nin mga baka na makukusog asin mayo nin hilang, may mga check-up bago asin matapos ang mga pangyayari, habang ginagamit ang baka sa mga kompetisyon may mga taga-bantay na makasiguro na dai makukulugon an mga baka, kaya gabos legal asin may mga permit.