Rizaldy Manrique

Si Rizaldy Manrique sarong premyadong Bikolanong parasurat gikan sa Syudad nin Iriga.^[1]^[2] Kapwa-kagsurat siya kan Sinaraysay: Halo-Halong Blog nin Buhay (2011).

Si Rizaldy M. Manrique nagtapos nin elementarya sa Iriga Central School Syudad kan Iriga, asin sekondarya sa University of Nueva Caceres, Syudad kan Naga. Nag-adal siya nin AB English Studies (Major in Creative Writing) sa Unibersidad kan Pilipinas, Diliman. Nagtapos siya kan saiyang Master of Arts in English sa University of Nueva Caceres. Sa presente, nag-aadal siya nin PhD (Major in Development Education) sa Central Bicol State University of Agriculture, Pili, Camarines Sur.

Napublikar an saiyang mga rawit-dawit asin osipon sa Ingles asin Bikol sa Philippines Free Press, The Bikol Reporter, Bangraw, The Paper asin Hingowa. Kan 2002 nag atendir siya kan 40th UP National Writers Workshop. Nagin Bise-Presidente siya kan Kabulig-Bikol, organisasyon nin mga Bikolanong parasurat. An saiyang osipon na Pacto De Sangre nanggana nin enot na premyo sa 1st Premio Tomas Arejola Para Sa Literaturang Bikolnon.

Siya an Executive Vice-President kan Modern Learning Center of Iriga City, sarong pribadong eskwelahan sa Syudad kan Iriga asin Munisipyo kan Bato, Camarines Sur.

Toltolan

↑ Peñones, H. Francisco Jr. V., Rizaldy M. Manrique and Judith Balares - Salamat [Ed.] (2011) Sinaraysay: Halo-Halong Blog nin Buhay A.M.Sison Press, Naga City.
↑ Manrique Rizaldy Monje/Paz Verdadez M. Santos and H. Francisco V. Penones Jr. [Ed.] (2013). Pacto de Sangre. p.17. Ateneo de Naga University Press, Naga City.

Sarong tamboan an artikulong ini sa Literatura. Makakatabang ka sa Bikol Wikipedia sa pagpoon kaining pahina.

[1] Peñones, H. Francisco Jr. V., Rizaldy M. Manrique and Judith Balares - Salamat [Ed.] (2011) Sinaraysay: Halo-Halong Blog nin Buhay A.M.Sison Press, Naga City.

[2] Manrique Rizaldy Monje/Paz Verdadez M. Santos and H. Francisco V. Penones Jr. [Ed.] (2013). Pacto de Sangre. p.17. Ateneo de Naga University Press, Naga City.

[1]

[2]