Wikipedia

Qungua

An Qungua (Chinese: 裙褂), midbid man sa longfeng gua (simplified Chinese: 龙凤褂; traditional Chinese: 龍鳳褂),[1] o longfeng qungua (simplified Chinese: 龙凤裙褂; traditional Chinese: 龍鳳裙褂),[2] o guaqun (Chinese: 褂裙),[3], sarong tipo nin two-piece ceremonial na set nin kasulutan kan tradisyonal na kasal kan Intsik na binibilog nin jacket na inaapod na gua (褂) asin kan halaba na palda na inaapod na qun (裙). An qungua sarong tipo kan Hanfu na isinusulot kan Intsik na Han na mga nobya;[4] ini man an tradisyunal na kasulutan sa kasal kan mga nobyang Kantones sa mga rehiyon nin Guangdong.[3][5] Sa ngunyan, bantog pa mananggad an qungua na gubing-pangkasal sa Tsina, kaiba na sa Hong kong asin Macau.[1]

Nahiling an Qungua sa Hong Kong Museum of History.

Tradisyon

baguhon

Kadtong dinastiyang Ming, midbid an pambabayeng gubing-pangkasal na isinusulot kan mga maharlika asin ordinaryong tawo sa fengguan xiapei (Chinese: 凤冠霞帔).[3] An gubing-pangkasal na isinusulot sa dinastiyang Ming, padagos na nakaimpluwensya sa gubing-pangkasal sa mga huring siglo.[3]

An inaapod na qungua, nagpoon na isulot kadtong ika-18 siglo sa panahon kan dinastiyang Qing.[1] Hali an qungua sa Guangdong kang si Liang Zhu, na sarong politikong Guangdong kan dinastiyang Qing, pigtawan nin onra nin sarong silk wedding dress na may burda nin mga dragon asin phoenix kan Qing Emperor kadtong panahon kan kasal kan saiyang aking babaye.[6] Ini an nagtulod sa paggamit nin qungua sa lugar kan Guangdong.[6]

Kadtong ika-18 siglo, nagpopoon na maghabol an mga ina na Intsik nin qungua sa sandaling ipinangaki an sarong aking babaye sa pamilya.[1] Ibubugtak an qungua bilang parte kan dote sa nobya kan aking babaye pag ipigkasal siya.[1] Minasunod an qungua sa suanoy na tradisyonal na sistema kan shangyi xiashang (Chinese: 上衣下裳; pang-itaas asin ibabang gubing).[3]

Konstruksyon asin Disenyo

baguhon

Binibilog an qungua nin:

  • Gua (褂): Sarong dyaket na Intsik na nagsasara sa hampang na igwang mga butones,[4]
  • Qun (裙): sarong ordinaryong termino kan palda; an qun na isinusulot kan qungua, sarong halabang palda na komon tanos an banga.[2] Pwedeng igwang tiklop an palda.[7]

Dukot

baguhon

Kumbaga igwang posibilidad na puti an kolor kan badong pangkasal kan Kasulnopan, pigpapaboran kan tradisyonal na bado sa kasal kan Intsik an paggamit kan pula asin bulawan na kolor.[1]

An dyaket na gua, orihinal na kolor na itom mantang orihinal na kolor na pula an palda.[5]

Nagbutwa sana kadtong 1960s an gua na ganap na pula an kolor.[5] Poon kaidto an tradisyunal na itom na gua asin pulang qun, nagpoon gamiton para sa ina kan nobya imbes na isulot mismo kan mga nobya.[5][3]

  •  
    Nobya na nakasulot nin dinastiyang Qing na qungua.
  •  
    An Qungua (wala) na isinusulot kan mga Intsik na nobya, 1900s.
  •  
    An Qungua sarong duwang pidasong bado na kasulutan: itom na gua asin pula na qun.
  •  
    Halabang palda na qun
  •  
    Pulang gua
  •  
    Paggibo kan itom na dyaket na gua.
  •  
    Itom na gua

Pagbuburda

baguhon

An qungua komon igwang burda nin halabang (龙) mga dragon asin phoenix na feng (凤).[3] Pwede man ining disenyuhan nin iba pang mapalad na mga simbolo, arog kan granada (simbolo para sa pagkamayabong), burak nin peoni, burak nin lotus, paniki, goldpis, kolagbaw asin mga gamgam.[5]

Sa ngunyan, igwa nin 5 manlainlain na tipo kan qungua na pinangaranan susog sa porsyento kan pagbuburda na nagtatakop sa bado.:[1]

  1. Xiao wu fu (小五福): 30% na natatakupan nin burda,
  2. Zhong wu fu (中五福): 50% na natatakupan nin burda
  3. Da Wu fu (大五福): 70% na natatakupan nin burda
  4. Gua Hou (褂后): 90% na natatakupan nin burda
  5. Gua Huang (褂皇): 100% na natatakupan nin burda

Pagkakaiba sa ibang kasulotan

baguhon

mga bado na Intsik

baguhon

Fengguan xiapei

baguhon

An fengguan xiapei (Chinese: 凤冠霞帔) saro pang tipo kan set nin kasulutan sa kasal nin Tradisyonal na Intsik na Han na isinusulot kadtong mga dinastiyang Ming asin Qing.[3] Binibilog an sarong kasulutan nin pulang mangao (Chinese: 蟒袄; literally: "Dragon jacket": na sarong tipo kan estilong dinastiyang Ming na pabilog na kwelyo na badong pigdekorasyunan nin mga dragon, na isinusuot kan mga babayeng Intsik na Han bilang gubing kan korte), an xiapei (Chinese: 霞帔; sarong tipo kan halabang bandana sa Ming asin sarong tipo nin stola sa Qing), an mang chu (literally: "Dragon skirt"; sarong palda na pwedeng pula o berde asin may burda nin mga dragon asin phoenix sa hampang asin likod na lapel kan palda), asin sarong phoenix coronet.[8] Minsan an gubing nin Kasal pigdekorasyunan nin kwelyong panginuron kan Intsik.[8] Kasunod kan kasal, ilalauman na magsulot nin fengguan xiapei an mga babaeng may agom sa mga pormal na okasyon, arog pa man kaito, pantalon o leggings an isinusulot sa irarom imbes na palda.[8]

  •  
    Ming dynasty fengguan xiapei.
  •  
    Pagpapakarhay giraray nin fengguan xiapei kan dinastiyang Ming.
  •  
    Ladawan kan ginang na nakafengguan xiapei sa dinastiyang Qing,
  •  
    an dinastiyang Qing na fengguan xiapei (凤冠霞帔), sarong yunjian yaon sa ibabaw kan kasulotan.

Xiu he fu

baguhon

Naiiba man an qungua sa saro pang Chinese wedding set of attire na inaapod na xiu he fu (simplified Chinese: 秀禾服; traditional Chinese: 繡和服).[1][2] Hali man an xiu he fu sa dinastiyang Qing asin isinusuot bilang saro pang tipo nin gubing-pangkasal sa dinastiyang Qing; saro ining tipo kan aoqun na isinusulot bilang gubing-pangkasal.[3]

Naging midbid an kasal sa dinastiyang Qing na aoqun kadtong 2001 kang nagsulot an aktres na si Xiu He nin modernong recreation version kaini sa Chinese TV series na "Orange turned red" dangan aeog kaito, nakua an kontemporaryong pangaran kaini.[3][9]

Igwang nakapatong na dyaket an xiu he fu na nagsasarado sa tuong parte (imbes na an qungua central closing jacket) na isinusulot kan A-line skirt (qun) na garo kaarog kan mamianqun imbes na sarong palda na tanos na banga.[2] Komon igwang burda an xiu he fu minasimbolo nin pagkamoot sa bilog na panahon.[3]

  •  
    Dinastiyang Qing Xiu he fu, sarong porma nin aoqun na isinusulot para sa kasal.
  •  
    Sarong nobya nin Intsik na nakasulot nu kasal aoqun, dinastiyang Qing.

Cheongsam

baguhon

Lain an qungua sa cheongsam na pwede man isulot bilang sarong Traditional Chinese wedding dress.[3] An qungua sarong duwang pidasong gubing na binibilog nin dyaket asin palda mantang an modernong cheongsam, sarong pidaso na bado.[4] Bago an 1930s asin 1940s, saro man duwang pidaso nin bado na binibilog nin halabang bado asin isinusulot sa sarong pares kan pantalon.[4]

  •  
    Nobya nin Intsik na igwang dara nin cheongsam para sa seremonya nin kasal

Mga pinagkuanan

baguhon
  1. ↑ 1.0 1.1 1.2 1.3 1.4 1.5 1.6 1.7 "To Have And To Embroider: The "Long Feng Gua" Wedding Tradition | US-China Institute". china.usc.edu (in English). Retrieved 2021-06-04. 
  2. ↑ 2.0 2.1 2.2 2.3 JNTT (2020-07-30). "SAME SAME BUT DIFFERENT". The Red Wedding (in English). Retrieved 2021-06-04. 
  3. ↑ 3.00 3.01 3.02 3.03 3.04 3.05 3.06 3.07 3.08 3.09 3.10 3.11 Li, Yuling (2019). "New meaning in traditional wedding dresses – Xiu He Fu and Long Feng Gua – in contemporary China [Master's Thesis]". Cultural Centre, University of Malaya: i-102. http://studentsrepo.um.edu.my/id/eprint/11386. 
  4. ↑ 4.0 4.1 4.2 4.3 Qiao, Nan; Tan, Yan-rong (2017). "Talk About the Chinese Wedding Dress of Modern Women". 2017 3rd International Conference on Social, Education and Management Engineering (SEME 2017): 299-301. https://www.dpi-proceedings.com/index.php/dtssehs/article/view/18048/17554. 
  5. ↑ 5.0 5.1 5.2 5.3 5.4 "Chinese Wedding Traditions: Qun Gua | Hong Kong Wedding Blog" (in English). 2016-01-28. Retrieved 2021-06-04. 
  6. ↑ 6.0 6.1 Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na :4
  7. ↑ "Chinese Wedding Gown (Qun Gua)". Queensland Museum Collections Online (in English). Retrieved 2021-06-04. 
  8. ↑ 8.0 8.1 8.2 Garrett, Valery M. (2007). Chinese dress : from the Qing Dynasty to the Present. Tokyo: Tuttle Pub. ISBN 978-0-8048-3663-0. OCLC 154701513. 
  9. ↑ "Xiu He Fu | Traditional Chinese Wedding Costume". Jin Weddings (in English). Retrieved 2021-06-05. 
Kinua sa "https://bcl.wikipedia.org/w/index.php?title=Qungua&oldid=275979"