Pugot payo

An pagpugot payo asin pagsaray kan payo sarong praktis na ginigibo na kan kaidto pang panahon sa parte kan Oceania, Habagatan asin Sur-subangan na Asya, sa Solnopan asin Sentral na Aprika, sa Meso-Amerika, asin ta sa mga ibang mga tribu kan Celts, sa Solnopan kan Alemanya, mga Scythian kan antigong Europa. Ini pangyayari man sa Europa hanggan ika-19 Siglo sa Montenegro, Croatia, asin bandang solnopan kan Herzegovina, abot sa mga Tangang Panahon sa Irlandya saka sa mga pagdolonan na rona kan Anglo-Scot.

Maigot an urulay dapit sa anoman na papel, kahulogan asin motibasyon kan pagsasaray nin pinugot na payo. Mga temang nalataw sa mga surat antroplogo iyo na an pagsasaray payong pugot iyo na ini sarong madahas na ritwal, pagpasakit sa pinugotan, pagpahiling pagkalalake, kanibalismo, pagpamansag, asin paagi madakop an serbisyo kan gadan sa ikaduwang buhay.

An mga kagurubay na mga iskolar totoo nagkakaoroyon na an enot na sirbi kaini seremonyal sana asin parte kan pag'eestruktura, pagpatibay asin pagpa'orog sa mga hirarkiyang relasyon sa pag'ultan kan mga komunidad asin mga indibidwal. Ibang mga eksperto nagsusunod sa teoriya na an pagpugot payo asin pagsaray kaini huli sa pagtubod na an payo iyo an sarayan kan "kalag" o pwersa espiritu na pwedeng makulong asin makataong darupi sa kagsaray kan pinugot.