An Samurai () iyo an namamanang militar na nobilidad[1][2][3][4] asin opisyal na kasta kan medieval asin amay-modernong Hapon gikan kaidtong ika-12 na siglo sagkod sa saindang abolisyon kaidtong 1870s durante kan Meiji era. Sinda iyo an binabayadan na retainers kan daimyo, an dakulang kagsadiri nin daga na feudal. Igwa sinda nin halangkaw na prestihiyoso asin espesyal na mga pribelihiyo siring kan pagsulot nin duwang espada asin kiri-sute gomen, an karapatan na gumadan nin maski siisay na yaon sa ibabang klase sa syertong mga sitwasyon. Kinultibar ninda an kodigong bushido kan mga birtud marsyal, mayo nin pakiaram sa kulog, asin daing siring na kaimbodan, nakikisumaro sa dakul na lokal na ralaban.

Sarong samurai sa saiyang armas kaidtong 1860s. Hand-colored photograph ni Felice Beato

Minsan ngani sinda nagin sinundan sa mas naenot na mga opisyal militar asin administratibo, an mga samurai talagang nagbutwa durante kan shogunato nin Kamakura, na namahala poon c.1185 sagkod 1333. Sinda an nagin namamahalang grupong politikal, na may dakulang kapangyarihan alagad dakula man an paninimbagan. Durante kan ika-13 na siglo, pinatunayan kan samurai na sinda eksperto kontra sa pagsalakay kan mga Mongol. Durante kan matoninong na peryodo nin Edo, 1603 sagkod 1868, sinda nagin mga mayordomo asin chamberlains kan mga daga nin mga daimyo, na nakakua nin manedyeryal na eksperyensia asin edukasyon.

Kan 1870, an mga pamilyang samurai binibilog nin 5% kan populasyon. Mantang minalataw an modernong mga militar kan ika-19 na siglo, an mga samurai orog na nagigin lihis na sa panahon asin mahal na marhay tanganing papagdanayon kun ikokomparar sa ordinaryong konskriptong soldados. Tinapos kan Pagsasabalik kan Meiji an saindang mga papel bilang feudal, asin nagbalyo sinda sa propesyonal asin entrepreneurial na mga papel. An saindang memorya asin armas nagdadanay na prominente sa kulturang popular kan Hapon.

Toltolan baguhon

  1. An Age of Melodrama: Family, Gender, and Social Hierarchy in the Turn-of-the ... Stanford University Press. 2008. ISBN 978-0804779623. Retrieved 2022-07-18 – via Google Books. 
  2. The Literature of Travel in the Japanese Rediscovery of China, 1862–1945 ... Stanford University Press. 1996. ISBN 978-0804764780. Retrieved 2022-07-18 – via Google Books. 
  3. William Theodore De Bary (2004). Nobility and Civility: Asian Ideals of Leadership and the Common Good. ISBN 978-0674015579. Retrieved 2022-07-18 – via Google Books. 
  4. Gary P. Leupp (2003). Interracial Intimacy in Japan: Western Men and Japanese Women, 1543–1900. A&C Black. ISBN 978-0826460745. Retrieved 2022-07-18 – via Google Books.