Unibersidad Normal kan Pilipinas

An Unibersidad Normal kan Pilipinas o Philippine Normal University (PNU), dating Philippine Normal School, sarong unibersidad sa Manila, Filipinas. Tinogdas kan taon Enero 21, 1901 kan mga Amerikano bilang sarong institusyon sa pagpaadal nin mga paratokdo sa kusog kan Akta Nu. 74 kan Komisyon nin Pilipinas. Pormalmenteng nagbukas ini kan Sep. 1, 1901.

An panginot na edipisyo kan Unibersidad Normal kan Pilipinas Manila (naliwat an ngaran pasiring Geronima T. Pecson Hall kan mga amay nin dekada 2000) na nahaman kan 1912.

An estado kaini komo sarong unibersidad pinaghimo kan Des. 26, 1991 sa pwersa kan Akta Republika Nu. 7168. Sa ngonyan igwa na ini nin mga sanga sa Agusan del Sur, Isabela, Negros Occidental asin sa probinsya nin Quezon.

An unibersidad nagin nang Curriculum Developmnent Center for Communication Arts (Ingles asin Filipino) asin komo sarong Center of Excellence sa pagpatibay sa Ingles, Filipino asin sa Values Education.

Saro man sa mayor na kasibotan kaini iyo an pagpaluwas nin mas orog karahay na mga libro sa pagtokdo kan Ingles asin Filipino asin mga manwal pan-maestro na gagamiton sa mga eskwelahan publika nin elementarya asin segundarya.

Mga panluwas na takod

• Philippine Normal University Website Archived 2008-04-18 at the Wayback Machine.