Partido Sosyalista kan Filipinas

An Partido Sosyalista kan Filipinas o midbid man bilang Philippine Democratic Socialist Party (Filipino: Partido Demokratiko Sosyalista ng Pilipinas, pinagpalipot bilang PDSP) sarong politikal na Partido sa Filipinas. Saro ini sa mga miembros partidos na naghahaman sa pag-iriba kan United Nationalist Democratic Organization (UNIDO) na nag suportar sa kandidasiya asin pagdalagan ni Corazon C. Aquino asin Salvador H. Laurel kan 1986 Snap Elections kontra ki Presidente Ferdinand E. Marcos.

Kan taon 2000, an PDSP naghiro kairiba an pirang civil society organizations asin grupo tangani na suportaran an pagpapahali sa pwesto, na aban-aban naginrason man tangani na mahali sa katungdan an dating Presidenteng si Joseph E. Estrada sa opisina.

Historya baguhon

Naestablisar an grupo kan Mayo 1, 1973, an PSDP nagin dakulang parte sa masakit na paghingowa na makapag-establisar asin magpalakop nin progresibo asin demokratikong alternatibo kontra sa diktaduryang Marcos asin sa Marxism-Leninism. Nagkaigwa ini nin dakulang kontribusyon sa dakulaan na kampanya na dai sana nahaloy nagresulta sa People Power revolution kan 1986.

An PSDP nagtau man nin tabang tangani na makonsolidar an mga bagong pigpakarhay na demokrasiya, orog na sa paagi nin edukasyon asin mobilisasyon sa mga sadit na parauma asin parasira, trabahador, kapopobrehan sa bukid, kababaihan, kahobenan, Bangsa Moro, asin an mga indegenous na mga tawo sa Luzon, Visayas asin man Mindanao.

An PSDP, sa paagi kan miembros kan people's organization asin non-government organizations, nagtabang man nin dakula tangani na mahaman an mga batas asin pan-gobyernong mga regulsiyon, orog na manungod sa mga isyus asin katuyohan kan mga parauma, parasiram, trabahador, kapopobrehan sa mga pwerang lugar, kababaihan, asin iba pang mga sektor kan Nasyon Filipinas.

Pinag-akredito man kan Commission on Elections (COMELEC) an partido bilang lehitimong politikal na partido kan taon 1990.

Kan taon 1992, an padtido nagin taga-konsultang miembro kan Socialist International (SI). Kan taon man na 2019, pinagtawan na ining full member status kan SI.[1]

Magpoon kan 1996, an PSDP aktibong nakibali sa diyalogo sa tahaw kan mga Kristiyanong paratubod asin man mga grupong Muslim sa Filipinas. An mga seryeng ini kan pangyayari nagpasiring sa pagkakahaman kan Bishops Ulama Conference (BUC)[2], kairiba sinda Fr. Romeo J. Intengan, S.J. asin man Dr. Mahid M. Mutilan.[3]

Toltolan baguhon

  1. https://www.socialistinternational.org/about-us/members/
  2. https://bishop-ulma.page.tl/
  3. https://thegardenerstales.com/?p=912