Mariella T. Vargas
Si Gelma B. Barcillano, na nasa ikaapat na taon sa kolehiyo kan Sentral na Bikolanong Unibersidad nin Estado kan Agrikultura (CBSUA-Calabanga), nagkua nin kursong Bachelor of Secondary Education Major in Mathematics, namundag kan Setyembre 19, 2000 asin gikan sa Pag-asa, Tinambac, Camarines Sur.
| Tataramon | Ingles, Filipino, Bikol |
|---|---|
| Genre | Rawitdawit |
Ang saiyang hilig sa pagsurat nagpuon kan siya nasa ikawalong taon kan saiyang pagklase asin ang saiyang diari nakasurat sa paagi kan rawitdawit. An mga rawitdawit niya sinusurat sa lenggwaheng Ingles, Filipino, asin Bikol. Siya miyembro kan The Writers Project (Oktubre 29, 2021) asin nagin Presidente kani (2022-2023). Sa saiyang pagtukaw bilang Presidente, nagin siyang direktor kan ikawalong CBSUA Writers Workshop na ginibo sa CBSUA-Calabanga kan Mayo 10-12, 2023.
Sa selebrasyon kan Arts Month sa taon 2023, kaiba ang The Writers Project sa natawan nin pribelihiyo, asin saro ang saiyang koleksyon kan rawitdawit na "Tabi Apo" an nagin bukas sa publikong parabasa kaiba ang mga sinurat ninda Edwin S. Breva Jr., Jerome M. Hipolito, Engilene Cris Q. Buensalida, asin Ramil Uno Estuya. Nag-atendir man siya sa manlain-lain na workshop, nagin partisipante kan PASUC na ginibo sa CBSUA-Pili, asin nag-atendir sa enot asin pangaduwang Bikol Book Festival, na nagtao saiya nin dakol na leksyon bilang sarong parasurat.