Pano An Pagdara?

Rawitdawit na tinokda' ni Leonor Dy-Liacco, sinapi' sa libro niyang An Bikolana.

  PANO AN PAGDARA?

Kadakul kan sira

Nakua sa pagtimba

Pano an pagdara

An hapot ki Ama.

"Madya ngani kamo,

Kinoa an huyo

Tuhug an talusog

Balugbugan an puyo.

"An mga nataga'

Sain ikakakaag?...

"An sako uya

Ikaag mo iyan...

Papuli na sinda

Maogmang mag-arama'

Dawa sinda barasa

Dakul sindang dara!