Pagpag
An pagpag iyo an apod sa Tagalog para sa tadang kakanon na itinapok kan mga restawran o kakánan sa basurahan o sa tambakan kan basurahan na pigbubutingkay o pigkakalkal para kaonon. Komun ining pighuhugasan asin linuluto giraray tanganing kaonon.[1] Pigtitinda man ini sa nagkapirang mga karinderya sa mas baratong presyo.[2] Ginuno an apod na pagpag sa komun na kahulugan kaini sa Tagalog — an pagpag bilang iyo an pagtangkas kan sarong bagay sa paagi kan pagpalpag. An tadang kakanon iyo an tinatangkasan nin mga maaating elemento sa paagi kan pagpalpag kun kaya pig-aapod ining pagpag. Nagpoon gikan sa mga tunay na agyat nin kagutuman na nagkakawsa gikan sa labilabing pagtios.[3]
Mapupwedeng kakanon an pagpag sa mismong pinagkuanan kaini o kaya lutoon ini. Parating pigpiprito ini sa mainit na lana. Igwa nin saradit na mga industriya na nasa harong an minalataw huli sa pagpag. May mga pobreng piggigibong hanapbuhay an pangangalakal, pagkolekta, pagproseso asin pagpabakal kan mga prinosesong pagpag sa ibang kapobrehan.[3]
May peligro sa salud an pagkakan kaining pagpag. Kabali sa mga ini iyo an paghalon nin hilo asin toksin, mga helang na nakukua sa pagkakan asin ibang kamatian. Nagpapatanid an Nasyonal na Komisyon Kontra sa Pagtios kontra sa pagkakan nin pagpag huli sa banta kan malnutrisyon asin helang.[4] Sa ibong kan peligro kan pagkakan nin pagpag, sarong nagtitinda nin pagpag an nagsasabing mayo pang nagagadan sa pagkakan nin pagpag na pigpapabakal niya.[5]
Toltolan
baguhon- ↑ Associated Press (13 Enero 2015). "Image of Asia: Eating pagpag in celebration of pope's visit" (in Ingles). Daily Mail. http://www.dailymail.co.uk/wires/ap/article-2908202/Image-Asia-Eating-pagpag-celebration-popes-visit.html. Retrieved on 10 Hunyo 2016.
- ↑ "'Garbage chicken' a grim staple for Manila's poor" (in Ingles). CNN. 1 Mayo 2012. Retrieved 10 Hunyo 2016. Check date values in:
|access-date=, |date=(help) - ↑ 3.0 3.1 Rodriguez, Fritzie (15 Marso 2014). "Meal of the day: 'Pagpag'". Rappler (in Ingles). Retrieved 10 Hunyo 2016. Check date values in:
|access-date=, |date=(help) - ↑ Michaela Cabrera (30 Abril 2008). "Filipino poor scavenge for recycled food to survive" (in Ingles). Reuters. Archived from the original on 2015-01-10. https://web.archive.org/web/20150110161717/http://www.reuters.com/article/2008/04/30/us-philippines-food-scavengers-idUSSP32323420080430. Retrieved on 10 Hunyo 2016.
- ↑ "Kalderetang pagpag, tampok sa 'Reel Time'". GMA News. 16 Abril 2016. http://www.gmanetwork.com/news/story/471054/newstv/reeltime/kalderetang-pagpag-tampok-sa-reel-time. Retrieved on 10 Hunyo 2016.
