Pagkarahay Art Festival

sarong tiripon nin manlainlain na lokal na artista biswal, pintor, iskultor, musikero, parasurat asin iba sa Camarines Sur, Bikol na pinonan kan 2018

An Pagkarahay Art Festival sarong tiripon nin manlainlain na lokal na artista biswal, pintor, iskultor, musikero, parasurat asin iba sa Camarines Sur, Bikol na pinonan kan 2018. An tiripon pinapadalagan kan Kintab Artists Group katuwang an lokal na gobyerno sagkod iba pang organisasyon, asin pinapadrinohan kan Nasyunal na Komisyon para sa Kultura asin kan Arte (NCCA).[1] Tampok sa tiripon an pagpinta nin mural, patiribayan sa arte biswal, seminar, mga karawat, konsyerto, asin iba pa.

Pagkarahay Art Festival
Pagkarahay Art Festival 2
KamugtakanAktibo
GenreTiripon nin mga artista
LugarManlainlain
Kinamumugtakan • Pili, Camarines Sur
(Pebrero 2018)
 • Minalabac, Camarines Sur (Marso 2021)
 • Syudad nin Naga
(Nobyembre 2021)
NasyonFilipinas
Pinonan2018
Mga partisipanteMga pintor, musikero asin iba pang artista
AktibidadPagpinta, seminar, karawat, konsyerto asbp.
Inorganisar kanKintab Artist Group Inc.

Taon 2017 kan inorganisar kan Artletics Inc. an Paghilom Arts Camp and Festival na ginibo sa Union Theological Seminary sa Dasmariñas, Cavite. An art festival dinara sa Camarines Sur kan 2018 kun sain inapod ining Pagkarahay Arts Camp and Festival asin ginibo an pinakainot na tiripon sa Central Bicol State University of Agriculture sa Pili, Camarines Sur.[2] An ikaduwang tiripon na ginibo sa Minalabac, Camarines Sur nagkaigwa nin temang "Pagkarahay: Isip, Lawas, Kalag (Healing: Mind, Body & Soul)" kun sain nakatuwang kan Kintab Artists Group an lokal na gobyerno. Ginibo sa tiripon an serye nin webinar sa paagi kan Zoom asin live streaming sa Facebook huli sa pandemya.

Kataytayan nin mga ladawan baguhon

Hilnga man baguhon

Toltolan baguhon

  1. IN CELEBRATION OF NATIONAL ARTS MONTH: 2nd pagkarahay art festival launched Bicolmail.com ((pighugot 2021-11-10)
  2. Art Festivals Artletics.org (pighugot 2021-11-10)