Nahihidaw Ko Daw

Rawitdawit tinokda' ni Leonor Dy-Liacco, sinapi' sa libro niyang An Bikolana.

    NAHIHIDAW KO DAW

Dai ko na naheheling sa oma

Mga himuluan na inupong baga

Na para-pareho an pagkadakula

Hilngon na marhay dai magbabaya.

An paraani kadto an gamit gata

Ginigibong upong an inani niya

Kun natipon na an ganan kan may oma

Ginigibo na magayon na dapa.

An natadang paroy nawalat sa oma

Tinitimo iyan ta hinahabin pa

Mayo man nin rawraw kan pinagalan man

Kan matagimon inuubos yan.

Magayon paghilngon an sabi kong dapa

Pabilog pagpoon diyan sa ibaba

Pasadit alagad pabilog giraray

Sagkod sa itaas nagiging mapanas.

Bert Villarino na magayon magpinta

Buhaya man tabi an maogmang dapa

Mayo na _____ wara na sa oma

Alagad sa daghan yaon 'yan sagkod pa.