Museo ni Robredo
An Museo ni Jesse Robredo [7] sarong museo na ipinahaman kan National HIstrorical Commission of the Philippines (NHCP), sa pagtaong onra kan aarogan na buhay asin pamanang-gawe nin "marhay na paggogobyerno" ni dating alkalde Jesse Robredo, asin sinasabing logod makahikayat sa lambang Filipino na maisog "magkapot kan manto nin liderato asin maghingowa na gibohon an magigibo ngani mapagayon an kamugtakan kan nasyon." [1] An Museo ni Jesse Robredo pig- inaguraran kan 18 Agosto 2017 kan ika-5ng Anibersaryo nin kagadanan kan dating alkalde kan Syudad nin Naga, asin Sekretaryo nin DILG, Jesse Robredo. Ini namumugtak sa Naga Civic Center, J. Miranda Avenue kanto Taal Avenue, Syudad nin Naga, Bicol.[2] [8]
An museo naglalalaman kan mga personal na gamit ni Robredo siring kan saiyang tsinelas, uniporme komo, alkalde kan Naga asin kan siya Sekretaryo kan DILG, bisikleta niya, mga libro sa politika, mga 60ng retrato ni Robredo poon pa kan aki siya, asin mga medalya asin tropeyo na iginawad saiya. Igwa man an museo nin mga interactive na padalan, galeriya nin impormasyon na naglaladawan kan saiyang agi-agi sa buhay bilang sarong serbidor kan banwaan.[9]
An Museo may apat na galeriya, Gallery 1, Youth and formation. Gallery 2, Tsinelas Leadership. Gallery 3, In the Hearts of the People asin an Gallery 4, The Robredo Legacy.
Mga tuyaw dapit sa Museo ni Robredo
baguhonPinu'nan itinugdok an Museo kan nagdadangadang na gayo an Eleksyon Nasyonal 2016 kan Filipinas. Dakul nagkritiko na ini pagimik kan Partido Liberal orog na ta si byuda ni Robredo, si Leni Robredo, nagkandidatong gayo para Bise-Presidente kan Filipinas. Dakul pa man nagkomento na labilabi man an gasto sa Museo ta sarabi lampas 50 Milyon na Pesos na gayo an itinustos sa edipisyo na bako man ngani daa may kadakulaan. Nagsasabi man an iba sa Oposisyon na ano man daa ta magasto an gobyerno nin siring kadakulang halaga para sa sarong indibidwal na an siring na pag'onra pati sobra pa kadugay ta nagagadan pa sana an pobreng opisyal asin susog sa guideline kan NHCP dapat mag'ayaw nin huru-halawig na mga taon bago magtaong gasto asin onra an gobyerno. Sarabi pati duwang taon mansana nagsirbe si Robredo sa gobyerno nasyonal.[3][4]
Sa parehong bareta kan Philippine News, may nagkomento sarong netizen, "Yung 2 years lang nagsilbi sa national government, nagkaroon na ng P52 million Museum built-in partnership with the National Historical Commission of the Philippines. National budget pa din ba ang gamit to maintain that structure? Aba, ano yan, hero? 2 years lang as DILG, hero? Illustrious?” Kun bibikolon, ano daa si Robredo sarong heroe apesar duwang taon pa sana nagsirbe sa gobyerno nasyonal. Ano daa si Robredo sarong hiyangta? [5]
An Museo libre maglaog duman asin dai nagpapabayad. An presenteng curator kan Museo iyo si Jonel Rabusa.[6]
Mga panluwas na takod
baguhon- [10] NHCP,Guidelines on Monuments 2012. Kinua 1-25-21.
Toltolan
baguhon- ↑ [1] Archived 2021-01-31 at the Wayback Machine.Museo ni robredo. NHCP. Kinua 1-25-21.
- ↑ [2] Archived 2021-01-31 at the Wayback Machine.Museo ni robredo. NHCP. Kinua 1-25-21.
- ↑ [3]Netizens React On P52-M Worth Of Museum Named “Museo ni Jesse Robredo. Philippine News. Kinua 1-25-21
- ↑ [4]Guidelines of Naming P)laces and Streets.nNHCP. Kinua 1-25-21].
- ↑ [5]Netizens React On P52-M Worth Of Museum Named “Museo ni Jesse Robredo. Philippine News. Kinua 1-25-21
- ↑ [6] Art installatiuon collection... Inquirer News. Kinua 1-25-21.
