Si Maria Leonor "Leni" Gerona Robredo (Abril 23, 1965)[1] iyo an ika-14 asin presenteng Bise Presidente kan Republika kan Filipinas. Siya nagin representante kan Ika-3ng Distrito kan Camarines Sur sa Kamara de Representantes kan Filipinas kan 2013 sagkod 2016. Siya sarong abogado, politiko asin an balo kan dating sekretaryo kan Departamento kan Panlaog asin Lokal na Pamamahala na si Jesse Robredo. Katakod siya sa Saligan, sarong grupo nin mga abogado sa nasyon na nagtatabang sa mga parauma.[2][3]

Maria Leonor Gerona Robredo
Leni Robredo (2).jpg
Bise Presidente kan Filipinas
Termino
2016–2022
Representante kan
Ika-3ng Distrito, Camarines Sur
Termino
2013–2016
Personal na mga detalye
Kamundagan (1965-04-23)Abril 23, 1965
Syudad nin Naga,
Camarines Sur
Nasyunalidad Filipino
Partido politikal Partido Liberal
Agom Jesse Robredo
Dinakulaan Syudad nin Naga,
Camarines Sur
Alma mater Unibersidad kan Nueva Caceres
Trabaho Abogado
Pagtubod Katolisismo

Mga laog

Agi-agiLiwaton

Si Robredo iyo an matua sa tulong akì kan retiradong huwes na si Antonio Gerona asin Salvacion Sto. Tomas na retiradong paratukdô. Nag-adal siya nin elementarya sagkod sekundarya sa Universidad de Sta. Isabel sa Syudad nin Naga mantang nagtapos siya nin batsilyer sa ekonomiks sa Unibersidad kan Pilipinas kan 1986 dangan nagkua nin abogasiya sa Unibersidad kan Nueva Caceres kan 1992. Kan 1997, nagkua asin nakapasar siya sa eksamen sa Bar.[4][5] Nagkua man siya nin kurso sa Law and Ethics: Making Moral Decisions sa Harvard na Unibersidad sa Estados Unidos.

Ladawan:Leni gerona2.jpeg
Kan pagparehistro sa COMELEC

Saiyang tinugdas an Lakas ng Kababaihan ng Naga asin nagin pamayo kan Naga City Council for Women durante kan siya first lady kan Syudad nin Naga. Myembro man siya kan Sentro ng Alternatibong Lingap Panligal, Federacion Internacionales de Abogadas asin Bantay Familia.[6]

Siring kan lolohon na si Apolonio Sto. Tomas, si Robredo nakapagsurat man sa tataramon na Bikol. Kagsurat si Robredo nin mga giya sa pag-adal asin mga pagpalis kaini sa Bikol siring kan Family Code Primer, Katarungang Pambarangay, Labor Standards, Primer sa Naga City Ordinance No. 98-033 (Kaantabay sa Kauswagan Ordinance) asin RA 9262: Ley Kontra sa Violencia sa Kababaihan asin sa mga Aki.[7]

Sarô si Robredo sa mga kandidato para magin huwes sa Regional Trial Court kan Calabanga, Pili sa Camarines Sur o Syudad nin Ligao sa Albay alagad nagdesisyon na igilid mùna an paglaog sa hudikatura.[8][9][10]

Tinàwan onra si Robredo kan Volunteers Against Crime and Corruption (VACC) bilang Most Outstanding Private Prosecutor kan 2009 Siring man, huli sa marahayrahay na pagpadalagan kan Naga City Council for Women (NCCW) na saiyang pinanginotan, nakua kan Syudad nin Naga an pagbisto asin premyo nilang Most Gender Responsive Local Government Unit sa bilog na Filipinas gikan sa Philippine Commision on Women (PCW).

Kan Agosto 2012, si Robredo nabalo asin kaiba niya an tulong aki, anas babae: Jessica Marie "Aika", Janine Patricia asin Jillian Therese.[11]

Buhay politikaLiwaton

Alkalde kan Syudad nin NagaLiwaton

Kan taon 2007 iyo an inot na pagkakataon na nagdalagan sa politika bilang alkalde kan Syudad nin Naga si Leni Robredo kan siya alokon ni Jesse Robredo sa huring mga minuto kan pagpasa nin kandidatura.[12] Ini huli sa antisipasyon kan kasong diskwalipikasyon na isinàngat ni Jojo Villafuerte sa alkalde kaidto kan eleksyon 2004 kun sain nadaog si Villafuerte.[13]

KongresoLiwaton

 
Mga probinsya kun sain guminana si Robredo sa pagka-Bise Presidente

Presenteng pamayo kan Partido Liberal sa Camarines Sur si Robredo asin nagdalagan sa pagka-kongresista kan terser distrito kan probinsya laban sa agom ni Luis Villafuerte kan Mayo 2013.[14][15]Iprinoklamang ganador si Robredo sa ginibong pirilian asin nakalamang nin labi sa 71,330ng boto sa pinakaharaning kandidato na si Nelly Villafuerte.[3][16] Siya an pinakainot na babaing representante kan terser distrito kan Camarines Sur sa Kamara de Representantes kan Filipinas. Bàgo kaini, inot siyang inalok na magkandidato pagkaalkalde kan Syudad nin Naga tanganing ipadagos an napoonan kan saiyang agom.[17]

Nasyunal na posisyonLiwaton

Dakol na grupo an nagtulod saiya na magdalagan pagkasenador kan Filipinas kan 2016 alagad nagin bukas siya sa posibilidad na magkandidato para Bise Presidente kun sain sarô an saiyang pangaran sa nagluwas sa survey.[18][19][20]

Petsa 5 nin Oktobre 2015 kan ihinayag ni Robredo na siya minadalagan bilang Bise Presidente kan Filipinas sa lindong kan Partido Liberal kaiba si Mar Roxas bilang kandidato bilang Presidente. Nakaguno siya nin 14,418,817 boto o 35.11 porsyento kan kagabsan na boto asin dinaog si Senador Bongbong Marcos nin 263,473 boto.[21]

ToltolanLiwaton

  1. Robredo’s name not enough to win widow’s seat in House Bicolmail.com (pighugot 2013-04-01)
  2. It's final: Robredo runs for congress Rappler.com (pighugot 2012-10-08)
  3. 3.0 3.1 Leni Robredo proclaimed winner in Camarines Sur Inquirer.net (pighugot 2013-05-22)
  4. That first night, I knew he was gone—Robredo’s wife Inquirer.net (pighugot 2012-10-05)
  5. Leni Robredo triumphs over political dynasty BicomMail.com (pighugot 2013-05-22)
  6. Hon. Maria Leonor Gerona-Robredo: PLCPD Board of Trustees for the 16th Congress Plcpd.com (pighugot 2015-06-03)
  7. Polyetos ni Atty. Leni G. Robredo para sa saiyang kandidatura pagka-representate kan terser distrito kan Camarines Sur, Mayo 13, 2013
  8. Leni Robredo ready to enter politics ABS-CBNnews.com (pighugot 2012-10-05)
  9. Leni Robredo appointed LP chair in CamSur Rappler.com (pighugot 2012-10-05)
  10. Leni Robredo eyes RTC judge post in QC Inquirer.net (pighugot 2012-10-05)
  11. Town mourns loss of DILG Sec Canaman.gov.ph (pighugot 2012-10-06)
  12. Leni Robredo: Not a novice in politics Bicol Mail (pighugot 2016-7-5)
  13. COMELEC declares Robredo a non-Filipino Philippine Center for Investigative Journalism (pighugot 2015-06-02)
  14. Robredo widow now Liberal Party head in CamSur Inquirer.net (pighugot 2012-10-05)
  15. Leni Robredo files candidacy for House seat Inquirer.net (pighugot 2012-10-05)
  16. Leni Robredo visits House Inquirer.net (pighugot 2013-05-22)
  17. Balo ni Robredo, tatakbong mayor ng Naga Remate.ph (pighugot 2015-06-02)
  18. Leni Robredo on 2016: 'Slim chance' for Senate bid Rappler.com (pighugot 2015-06-02)
  19. REP. LENI ROBREDO DEFENDS PNOY, DISCUSSES POLITICAL FUTURE DURING US TRIP Balitangamerica.tv (pighugot 2015-06-02)
  20. Poe overtakes Binay as top presidential bet - Pulse PhilStar.com (pighugot 2015-06-18)
  21. Leni Robredo: I can't refuse call to serve Rappler (pighugot 2015-12-31)

Mga panluwas na takodLiwaton

Suminunod ki
Luis Villafuerte, Sr.
Representante, Ika-3ng Distrito kan Camarines Sur
2013 – 2016
Sinundan ni
Inkumbent