Monónimo

An mononimo sarong pangaran nin tawo na dara sana sarong kataga'. An saro katawo na midbid asin inaapod sa saiyang iyo-iyong sarong-katagang pangaran sarong personang mononimoso. Sa ibang kaso, an piniling mononimo nin saro katawo tibaad hale orihinalmente sa sarong polinimo, sarong kataga' na nagtutungod sa saro sa dakul na pangaran para sa tawong iyan. Sa ibang kaso naman, ini determinado kan kinaugalean sa lugar na iyan o kan sarong may-interes na grupo. Sa kaso nin mga pigurang historiko, pwedeng iyo na sana yan an narurumdoman saa dakul na pangaran niya asin natandaan pa sa presente.

Dakul na mga Apgan mayong apelyido.^[1]^[2] Ordinaryo asin komun man na mayong apelyido sa Bhutan, Indonesya, Myanmar, asin Habagatan Indya. An mga pangaran na Habanes tradisyonal na mononimo, orog na sa mga gugurang na henerasyon.^[3]

Etimolohiya

An katagang mononimo direktang sinublian sa Griyego taramon na monṓnymo (μονώνυμο), na inagom kan duwang kataga' na mónos (μόνος, "solo"), asin ónoma (ὄνομα, "pangaran").^[4]