Wikipedia

Madonna

Si Madonna Louise Ciccone (/tʃɪˈkoʊni/; namundag, Agosto 16, 1958) sarong Amerikanang parakanta, parasurat-kanta, aktres asin negosyante. Natotomoyan siyang "Queen of Pop" kaidto pang mga 1980, si Madonna midbid sa pagtulod kan mga linderos nin pagsurat-kanta sa mainstream kan musikang popular asin sa imahe ginagamit niya sa entablado asin sa saiyang mga videong pangmusika. Parati, saiyang iniimbento paulit-ulit an saiyang musika asin imahe manta na dai nagsusunod sa mga gawe sa industriya nin rekording. Totoo an saiyang mga pagpapasale nagsabrit nin mga kontrobersya pero igwa man saiyang naumaw na mga kritiko sa musika. Si Madonna tinutubod kan ibang mga artista na siya may magabat na impluensya orog na sa pinipiling musika asin moda kan mga kababaihan.[2]

Madonna
A closeup photo of Madonna with shoulder-length wavy blonde hair, wearing a colorful, low-cut blouse, holding a microphone to her mouth with her right hand.
Madonna nagpeperform kan Rebel Heart Tour sa Stockholm, kan Nobyembre 2015
KamundaganMadonna Louise Ciccone
(1958-08-16) Agosto 16, 1958 (edad 66)
Bay City, Michigan, U.S.
DinakulaanLisbon, Portugal
Iba pang mga ngaranVeronica (Pangaran sa Katolikong pagkumpil)
Trabaho
  • Parakanta
  • paratokdang-kanta
  • aktres
  • negosyante
  • prodyuser rekord
  • parabayle
  • direktor sa pelikula
  • autor
  • humanitaryo
Mga taon na aktibo1979–presente
DinakulaanRochester Hills, Michigan, U.S.
YamanU.S. $590–$800 million[1]
AgomSean Penn (kasal (1985), nagdiborsyo (1985); Guy Ritchie (kasal. (2000), nagdiborsyo (2008)
KasaroanCarlos Leon (1995–1997)
Mga aki6
Musical career
Mga genre
Mga instrumento
  • Vocals
  • guitar
Mga tatak
Katakod na akto
Websityo
www.madonna.com
Madonna nagbibida sa Sticky & Sweet Tour,(2009) na iyo an segundang pinakamabenta sa panahon na idto


Namundag asin pinadakula sa Michigan, si Madonna nagdakit sa Siyudad nin Nweba York kan 1978 sa paglamag sa karera nin modernong bayle. Pakasunod na pagprobar niyang drummer, gitarista, asin vocalist sa rock band na Breakfast Club asin Emmy, siya nagpirma sa kontrata ninn pagkanta sa Sire Recordskan 1982. Pinaluwas niya an saiyang debut album titulado kan pangaran niya mismo pagkasunod na taon. Dangan nasunod ini nin seryeng mga album na nagbentang gayo, kaiba an mga minasunod na mga bestsellers arog kan Like a Virgin (1984) asin True Blue (1986) asin Grammy Award winners Ray of Light (1998) saka Confessions on a Dance Floor (2005). Sa enterong karera niya, si Madonna igwang mga kantang narekord na inabot an toktok kan mga record chart, kairiba igdi an "Like a Virgin", "La Isla Bonita", "Like a Prayer", "Vogue", "Take a Bow", "Frozen", "Music", "Hung Up", asin "4 Minutes".

An popularidad ni Madonna mas naglataw sa mga pelikulang kun saen siya nagpapel arog kan Desperately Seeking Susan (1985), Dick Tracy (1990), A League of Their Own (1992), asin Evita (1996). Manta an Evita naggusi saiya kan Golden Globe Award para sa Best Actress, kadaklan kan saiyang mga pelikula maluya an nakakaonabi. Bilang negosyante, si Madonna nagtogdas nin sarong entertainment company inapod Maverick (kabali an label na Maverick Records) kan 1992. Iba pa niyang palakaya iyo an mga moda nin pagbado, mga librong pang'aki, mga health club, asin paggigibong pelikula. Siya man taga-ambag sa mga gibong-herak mala ta pinundar niya an Ray of Light Foundation kan 1998 asin an Raising Malawi kan 2006.

Nagbenta nin sobra sa tolong gatos na milyon na rekord sa bilog na kinaban, si Madonna naoonabihan na pinakamabentang artistang babae sa rekording sa bilog na panahon kan Guinness World Records. An Recording Industry Association of America (RIAA) piglista siya komo segundang pinakasertipikadong artistang babae sa Amerika na may 64.5 million album units. Susog sa Billboard, si Madonna iyo an pinakamatrayumpong artistang solo sa Hot 100 na listahan. Siya man daa an nagkita' nin pinakadakula sa mga artistang libot o sinasabing highest-grossing solo touring artist of all time, nagkama'gal nin U.S. $1.4 billion sa mga konsyertong tiket. Napabali sa Rock and Roll Hall of Fame sa enot na taon niyang eligibility, si Madonna nangibabaw sa inaapod na 100 Greatest Women in Music kan VH1. Dagdag pa, an Rolling Stone piglista siya na saro sa 100 Greatest Artists of All Time asin sa 100 Greatest Songwriters of All Time.

Buhay asin karera

baguhon

1958–1981: Amay kan buhay asin pagporoon-poon sa karera

baguhon

Si Madonna namundag sa mga Katolikong magurang na sinda Madonna Louise (née Fortin) asin Silvio Anthony "Tony" Ciccone sa Bay City, Michigan kan Agosto 16, 1958.[3] An mga magurang kan ama niya mga Italyanong imigrante haleng Pacentro, manta an ina niya dugong Pranses-Kanadian.[4] Si Tony nagtrabaho bilang engineer designer para sa Chrysler asin General Motors. Ta siya ka-pangaran an ina, mga kairiba sa pamilya inaapod siyang "Sadit na Nonni". Igwa siyang duwang matuang tugang, Anthony asin Martin, saka tolong ngohod na mga tugang pa, Paula, Christopher, asin Melanie.[5]

 
An madrasta asin ama ni Madonna, sinda Joan saka Tony Ciccone (2009)

Kan siya nakumpil sa Simbahan Katoliko Romano kan 1966, ginamit niya an pangaran na Veronica.[6]. Kan magkahelang an ina niya sa kanser, naghira an personalidad kaini, asin dai nasabotan niya an saiyang ina ta nahibi na sana kun hinahapot niya kun anong mate.[7]

Si Madonna naghanap ranga sa saiyang lola sa ama sa pongaw pagkawara kan saiyang ina. Kan aki pa siya napopongaw siya na dai man nagrerebelde pero gusto niyang magin maray sa buhay ta mala maray man mga grado niya. Sabi niya san interbyu kan Vanity Fair na sa saiyang pagkahubin saro siyang pongaw na teenager pero hinhanap niya an paagi na may mahaman siya sa buhay. Dai siya nagsusunod sa iba na naahit kan yokyok o maggamit make-up arog kan mga babaeng masabing normal. .." Takot na maray na mawara pa saiya an ama niyang si Tony kaya siya dai makaturog kun bakong harani sa ama niya.

1982–1985: Madonna, Like a Virgin, asin enot na kasal

baguhon

Pakatapos si Madonna nagpirma sa pinakaenot na kontratang solong kanta sa Sire, an solong debut niya, "Everybody", pinaluwas kan Oktobre 1982, asin ikaduwa, "Burning Up", kan Marso 1983. Pareho ini putok sa benta sa Estados Unidos, na inabot an ikatolo sa Hot Dance Club Songs tsart na tinipon kan Billboard na magasin.[8] Pakatapos kaining maray na eksito, pino'nan niya nang pakusogon an album niyang sa pangaran niya mismo, Madonna, na an nagprodyuser haros iyo si Reggie Lucas kan Warner Bros. Alagad, bako siyang maogma kan natapos na album asin nakipag'asusangan siya ki Lucas sa pakahaman kaini, kaya siya naghagad tabang sa iba.[9]

Si Madonna nagsaro' sa ka-ilusyon niyang si John "Jellybean" Benitez, saka hinagad tabang kaini sa pagtapos kan produksyon kan album.[9] Si Benitez an nagremix kan mga tracks asin pigprodyusir an "Holiday", na iyo an ikatolong single niya, asin an pinakaenot na nagsakat sa top-ten na lista sa internasyonalna listahan. Sinasabing dai baragay an tanog kan "Madonna" asin nagluwas sa porma kan upbeat synthetic disco, ginagamit an bagong teknolohiya kan panahon na idto, an Linn drum machine, Moog bass asin an OB-X synthesizer.[9][10] An album pinaluwas kan Hulyo 1983 asin nagtongod sa ikawalong tangga kan Billboard 200 pakalihis anom na bulan, kan 1984. Ini nakapatama nin duwang top-ten singles sa Billboard Hot 100, "Borderline" asin "Lucky Star".[11][12]

 
Madonna kaiba saiyang trupa The Virgin Tour, 1985

An hitsura, moda nin pagbado, an saiyang mga gawe sa entablado saka an saiyang video musika naimpluensyang gayo an mga kahubinan asin kababaihan. An istilo ni Madonna iyo an nagin mga usong moda kan mga 1980. Minukna kan stylist asin paradesinyo sa alahas na si Maripol, an hitsura niya may mga laso-laso sa payo, may paldang panakop o capri pants, medyas na fishnet, alahas na may krus, bracelet, asin pinagtina na buhok.[13][14] An popularidad ni Madonna nagtaroron na gayo sa bilog na kinaban kan mapaluwas an ikaduwa niyang studio album, Like a Virgin, kan Nobyembre 1984. Ini an nagin numero unong album niya sa Alemanya, Italya, Netherlands, New Zealand, Espanya, asin sa UK, saka EU.[11][15] An Like a Virgin iyo an pinakaenot na album nin sarong babae na nagbenta sobra sa limang milyon na kopya sa Estados Unidos.[16] Ini nasertipikar na diamante, asin nagbenta nin sobra sa 21 milyon na kopya sa enterong kinaban.[17]

Diskograpiya

baguhon
Mga Panginot na artikulo: Madonna albums discography, singles, asin videos

Filmograpiya

baguhon
Panginot na artikulo: Madonna filmography

Mga pelikulang pinapelan

Mga pelikulang pigdirehir

Toltolan

baguhon
  1. ↑ [1] Archived 2020-09-26 at the Wayback Machine.www.thewealthrecord.com.Kinua 2019-03-29
  2. ↑ [2]www.imdb.com. Kinua 2019-03-29
  3. ↑ Erlewine, Stephen Thomas. "Madonna Biography". AllMusic. Retrieved April 13, 2015. 
  4. ↑ Taraborrelli 2002, p. 10
  5. ↑ "The Child Who Became a Star: Madonna Timeline". The Daily Telegraph. July 26, 2006. https://www.telegraph.co.uk/news/1400097/The-child-who-became-a-star.html. Retrieved on June 9, 2008. 
  6. ↑ Guilbert 2002, p. 92
  7. ↑ Morton 2002, p. 47
  8. ↑ Orzeck, Kurt (September 23, 2007). "Madonna, Beastie Boys Nominated For Rock And Roll Hall Of Fame". MTV. Archived from the original on May 3, 2008. https://web.archive.org/web/20080503045056/http://www.mtv.com/news/articles/1570747/20070927/beastie_boys.jhtml. Retrieved on May 29, 2008. 
  9. ↑ 9.0 9.1 9.2 Taraborrelli 2002, p. 43
  10. ↑ Rooksby 2004, p. 11
  11. ↑ 11.0 11.1 "Madonna – Charts & Awards – Billboard Albums". AllMusic. Retrieved February 24, 2010. 
  12. ↑ "Madonna – Charts & Awards – Billboard Singles". AllMusic. Retrieved February 24, 2010. 
  13. ↑ Clerk 2002, p. 20
  14. ↑ Voller 1999, p. 22
  15. ↑ Rettenmund 1995, p. 67
  16. ↑ Grein, Paul (August 10, 1985). "Hot Madonna: July Fills Her Coffers With RIAA Metal". Billboard 97 (32): 7. ISSN 0006-2510. https://books.google.com/books?id=6iQEAAAAMBAJ&pg=PA7. Retrieved on September 27, 2016. 
  17. ↑ "Contrasting fortunes as Madonna and Jacko turn 50". Melbourne. August 15, 2008. http://www.abc.net.au/news/2008-08-15/contrasting-fortunes-as-madonna-jacko-turn-50/477174. Retrieved on August 24, 2009. 
Kinua sa "https://bcl.wikipedia.org/w/index.php?title=Madonna&oldid=276249"