Mambog (kahoy)

An Mambog (Nauclea orientalis; Ingles, Leichhardt pine) sarong tinanom na nagkakahoy. Ini hararom maggamot, makunot an supat asin pirming madahon na berde bilog na buhay kaini. Saro ining species sa pamilyang Rubiaceae asin natural na natubo sa Sur-subangan na Asya, New Guinea, asin Australya. Nalangkaw ini mga 30 m (98 pye), asin nagbuburu-bakbak asin naggagaratak an ubak basta naggugurang na, alagad nasirbeng ornamental sa natad. An burak kaini bilogon, maparong asin napapalibotan nin buhok na tirindog. An burak nagigin bungang arog kadakula kan patatas sa kolor na pwede kakanon pero mapaiton. An kahoy kaini kolor giyawon na narangha nakukuan pasagi mauusar sa konstruksyon sa harong arog kan paglanob o pagsalog, paggibong liston o hamba, paggibong papel, paghaman nin baroto, sa mga inuukit, sa instrumento musikal asin nasirbe man na bulong.

Mambog
Mambog, dahon asin bunga
Burak kan mambog
Sayantipiko na klasipikasyon
Kahadean:	Plantae
Klado:	Angiosperms
Klado:	Eudicots
Klado:	Core eudicots
Klado:	Asterids
Orden:	Gentianales
Pamilya:	Rubiaceae
Genus:	Nauclea
Espesyes:	N. orientalis
Ngaran binomyal
Nauclea orientalis (L.) L.
Sinonimo
Lista Adina orientalis (L.) Lindeman Ex Bakh. F. Bancalus cordatus (Roxb.) Kuntze Bancalus grandifolius Kuntze Bancalus macrophyllus Kuntze Bancalus orientalis (L.) Kuntze Cephalanthus orientalis L. Cephalanthus chinensis Lam. Nauclea annamensis (Dubard & Eberh.) Merr. Nauclea coadunata Roxb. ex Sm. Nauclea cordata Roxb. Nauclea elmeri Merr. Nauclea glaberrima Bartl. ex Dc. Nauclea grandifolia Dc. Nauclea leichhardtii F. Muell. Nauclea lutea Blanco Nauclea macrophylla Blume Nauclea orientalis var. pubescens (Kurz) Craib Nauclea ovoidea (Pierre Ex Pit.) N. N. Tran Nauclea roxburghii G. Don Nauclea stipulacea G. Don Nauclea undulata Roxb. Nauclea wallichiana R. Br. Ex G. Don Platanocarpum cordatum Korth. Sarcocephalus annamensis Dubard & Eberh. Sarcocephalus bartlirgii Miq. Sarcocephalus buruensis Miq. Sarcocephalus coadunatus (Roxb. ex Sm.) Druce Sarcocephalus cordatus (Roxb.) Miq. Sarcocephalus cordatus var. glabra Kurz Sarcocephalus cordatus var. pubescens Kurz Sarcocephalus glaberrimus (Bartl. Ex Dc.) Miq. Sarcocephalus orientalis (L.) Merr. Sarcocephalus ovatus Elmer Sarcocephalus ovatus var. mollis Koord. & Valeton Sarcocephalus ovoideus Pierre Ex Pit. Sarcocephalus papagola Domin Sarcocephalus undulatus (Roxb.) Miq. Sarcocephalus undulatus var. buruensis (Miq.) Havil.

Bulong na tradisyonal

An tinanom na ini natabang sa pagdigwa kun may gustong ipasuka na maraot kinakan, nasirbe man laban sa malaria asin may indikasyon na anti-kanser. Maray man idapog sa mga lugad-lugad ta naparikas sa pag'umay kaini. Ini kun tinotomar maray na panpaluwas kan mga halod. Ini nakakahale man daang mga makulog sa hawak arog kan kulog sa ngipon. An rinunot na dahon dinadapog sa mga gatok-gatok sa hawak.

Sa Malaysia, an bunga kinakakan kan mga amid asin mga kabalang alagad sa Australya, an mga aborigine kinakakan ini pero sobra kapait kaini.

Sa Filipinas, an pasagi kaini ginagamit sa paghaman mga muebles, sa mga paglanob, sa mga handikraft na ukit, sa paggibo kan kaha nin gitara asin iba pang instrumento musikal. An ubak nakukuan tugma' na giyaw. Siring man, an tagok kan ubak nagagamit na pambungaw sa sira ta ini kinakaag sa medyo toong na salog. Sa gurang nang mambog, an ubak garatak-gatak asin tiso an kahawakan na nasanga sa palibot niya. Hararom maggamot, makunot an supat, ini magayon na pangsagang sa mga makukusog na lamasa nin duros kun nagbabagyo.

Galeriya

• 
  Mambog na tinanom
• 
  Ubak kan mambog
• 
  Bunga nin mambog