Madame Tussauds

An Madame Tussauds (UK /təˈsɔːdz/, US /tʉˈsoʊz/; an pamilya mismo sinasayod kani na /ˈtuːsoʊ/[1]) sarong museong taro sa London na may mga sanga sa mga darakulang siyudad arog kan Nweba York, Hong Kong, Shanghai, Tokyo, Berlin, Vienna asin kadakul pang iba; mala ta katorse na an mga ini sa bilog na kinaban. Ini pigmukna ni Marie Tussaud, sarong iskultor sa taro. Sa museo naka'eksibit an mga tarong pigurin nin mga bantogan na mga personalidad arog kan sa pelikula, sa arte, sa isports, sa pulitika, mga pigurang historiko, asin maski ngani kan mga labilabing bantog na mga kriminal.

An Madame Tussauds sa London

Museong taro ni Madame Tussauds sa New York

An Madame Tussauds sa Hollywood

An Madame Tussauds sa Washington D.C.

Agi-agi

Si Marie Tussaud nakanood mag'iskultor sa taro ki Dr. Philippe Curtius kan Bern, Switzerland, kun saen an ina niya, kan siya sadit pang gayo ilo na sa ama, napiritan mag'estar bilang taga'asikaso kan harong kan nasabing mediko. Huli ta an doktor marhay mag'ukit sa taro nin mga pigurin, siya tinokdoan sa siring na kabatiran mala ta nagin na siyang katuwang sa trabahong ini.

Enot na tarong pigurin nahaman ni Tussaud iyo kan taon 1777, an hitsurang kaagid ni Voltaire. Kan mga panahon na idto nahaman niya man an pigurin ni Jean-Jacques Rousseau asin ni Benjamin Franklin. Kan Rebolusyon sa Pransya, dakul pa siyang mga modelo sa taro nin mga biktima sa kariribokan na idto. Sinasabi na si Tussaud pinupurorot an mga pinugot na payo ta ginigibohan niyang maskarang taro an mga lalawgon. An mga maskarang ini ipinaparada pa bilang rebolusyonaryong bandera sa mga kalye kan Paris. Kan magadan na an doktor na si Curtius taon 1794, siya an nagmana kan mahiwas na kuleksyon kan mga modelong taro kaini asin lampas tolong polong taon linibot an Europa sa pagpa'eksibit kan kuleksyon. Kan naagom siya ni Francois Tussaud kan 1795, an eksibit nagbado nin bagong pangaran, na inapod nang Madame Tussaud's.

Kan taon 1802, naagda siya ni Paul Philidor, sarong salamangkero na magpa'eksibit sa London kadungan man kan saiyang pasale duman sa Lyceun Theatre. Alagad, dai siya nakakabawe na maray ta kabanga kan delinsya niya kinakabig ni Philidor. Duman siya inabot kan gerang Franco-Briton asin dai na logod siya naka'ule sa Pransya. An ginibo niya naglibot siya sa Gran Britanya asin Irlandya sa pagdispley kan saiyang kuleksyon. Poon 1831, saiyang inarkila an itaas kan "Baker Street Bazaar" na yaon sa pag'oltan kan kalye King asin kalye Dorset. Ini an nagin pinakaenot na permanenteng erokan ni Tussaud paglaog kan taon 1836..

Mga panluwas na takod

• Madame Tussauds - Opisyal na websayt
• Madame Tussauds[1] Archived 2012-05-13 at the Wayback Machine. - sa Las Vegas
• Madame Tussauds[2] sa Nweba York
• Madame Tussauds[3] sa Hollywood

Mga tarong pigurin sa Madame Tussauds

• 
  Elizabeth II
• 
  Nelson Mandela
• 
  Mohanda Karamchand Gandhi
• 
  Adolf Hitler
• 
  Marilyn Monroe
• 
  Sachin Ramesh Tendulkar
• 
  Benny Hill
• 
  Keira Knightley
• 
  Nevit
• 
  Lady Gaga
• 
  Charlie Chaplin
• 
• 
  Angelina Jolie
• 
  Ayrton Senna
• 
  Pope John Paul
• 
  Alfred Hitchcock
• 
  Spiderman
• 
  CharlesandCamila
• Boris Becker
  Boris Becker
• 
  The Beatles
• 
  Jack Sparrow - Johnny Depp
• 
  Kylie Minogue