Kingdom of Jesus Christ (simbahan)
An Kingdom of Jesus Christ (KJC, Bik., Kahadean ni Hesukristo), opisyalmente Kingdom of Jesus Christ, The Name Above Every Name, Inc., sarong simbahan na basado sa Filipinas asin ini tinugdas ni Pastor Apollo Quiboloy, na an mga parasunod igdi nagtutubod na si Quiboloy iyo an "Tinatalagang Aki nin Dyos". An simbahan mayo nin pagtubod sa Santa Trinidad, siring kan doktrina nin Simbahan Katoliko Romano.
An mga kaapil kan kongregasyon binabansagan ninda an saindang komunidad bilang "Kingdom Nation" o "Nasyon nin Kahadean". Pigsasabi ninda na an pag'iriba nagbibilang sobra sa apat na milyon sa laog kan Filipinas, asin duwang milyon sa luwas kan nasyon.[1]
Historya
baguhon.jpg)
Bago an pagkatugdas kan Kingdom of Jesus Christ (KJC) na grupong relihiyoso, an kagtugdas kaini na si Apollo Quiboloy soboot nagtago nin limang taon sa Tamayong asin dangan sa Sitio Kitbog sa pamitisan kan Bukid Matutum sa South Cotabato. sI Quiboloy nagsasabi sarong rebelasyon nin Dyos paagi nin sarong pangiturogan na iyo an nagtolod saiya na muknaon an KJC.[2]
Alagad si Quiboloy dating myembro kan United Pentecostal Church nin Filipinas,[3] na ini sarong Oneness Pentecostal na denominasyon.
An ama ni Apollo Quiboloy si José, dati nang Protestanteng myembro sa Christian and Missionary Alliance), alagad naglipat sa Oneness Pentecostalism kairiba apat niyang mga aki, na ini gabos nagin mga paraplatika asin mga lider sa United Pentecostal Church of the Philippines (UPCP), an pinakadakulang Filipino Oneness Pentecostal church, na ini nag'aapil sa poderosong UPCP youth organization kan 1974, alagad si Apollo pinatalsik sa UPCP kan 1979 huli sa lisyang mga katukdoan na pinapalakop. Si Apollo nagbakle' asin naghagad tawad, asin inako giraray kan 1980 dangan ginibong pastor sa Agdao na Simbahan sa Syudad nin Davao, saro sa historikal na mga simbahan sa Davao.
Kan 1985, si Quiboloy pig'imbestigaran liwat kan UPCP huli sa saiyang aroganteng atitud sa kapwa mga pastor. Ta imbes magpa'imbestigar, si Quiboloy logod nagluwas sa UPCP guyod an 15 mga myembro kan Septyembre 1, 1985, asin na gtugdas nin sadiring denominasyon.[4]
An simbahan ni Quiboloy na nagpoon kan Septyembre 1, 1985, enot namugtak sa Villamor Street sa Agdao, Davao City.[2][5]
Sa kan Oktobre 2016, an Simbahan KJC soboot naghihinako' na ini may 4 na milyon na mga parasunosd sa Filipinas na anas naghihimulo', asin 2 milyon sa luwas kan Filipinas.[3]
Mga Pagtubod
baguhonAn KJC nagtutubod na an kagmukna kaini, si Apollo Quiboloy, an "Itinalagang Aki nin Dyos". Sarong sadiring-paguusip ni Quiboloy na an Dyos naghilig sa porma nin panganuron kan siya pinapangaki kan saiyang ina na nagdeklara soboot na si Quiboloy saiyang aki. Myembro kan simbahan inaapod man nindang sadiri na mga "namamanwaan nin Kahadean", may pagtubod na an kaligtasan makakamit sana kan mga kaapil sa saindang kongregasyon.
Toltolan
baguhon- ↑ "Who is Pastor Apollo Quiboloy?". Philippine Daily Inquirer. Archived from the original on 2013-02-21. Unknown parameter
|url-status=ignored (help) - ↑ 2.0 2.1 Estremera, Stella (30 June 2016). "A prayer movement instead of planes". Sun Star Davao. Archived from the original on 20 December 2016. https://web.archive.org/web/20161220074611/http://www.sunstar.com.ph/davao/feature/2016/06/30/prayer-movement-instead-planes-482432. Retrieved on 5 January 2024.
- ↑ 3.0 3.1 Hodgart, Kenny (7 October 2016). "The Messiah friend of President Duterte". Asia Times. https://asiatimes.com/article/messiah-friend-president-duterte-2/.
- ↑ King, Johnny Loye (2016). Spirit and Schism: A History of Oneness Pentecostalism in the Philippines (PhD). University of Birmingham. pp. 192–194.
- ↑ "KJC History". kingdomofjesuschrist.org (Wayback Machine). Archived from the original on 29 April 2005. Retrieved 22 September 2016. Unknown parameter
|url-status=ignored (help)
