Katmon

An katmon (Dillenia philippinensis), sarong nagkakahoy na tinanom, asin natural na tubo sa Filipinas. Ginagamit an pasagi kaini sa mga muebles asin an prutas pang-alsom sa mga sinabawan. Maray man an tinanom na ini na panglimpoy sa mga sentro asin siyudad. Mas toltol an talubo kaini sa hababa asin medium na altitud alagad sa kalangkawan na malipot, matalaw ini.

Dillenia philippinensis
Katmon, burak asin dahon
Bunga
Sayantipiko na klasipikasyon
Kahadean:	Plantae
Klado:	Angiosperms
Klado:	Eudicots
Klado:	Core eudicots
Orden:	Dilleniales
Pamilya:	Dilleniaceae
Genus:	Dillenia
Espesyes:	D. philippinensis
Ngaran binomyal
Dillenia philippinensis Rolfe

An matagas na kahoy kan katmon

Deskripsyon

An Katmon na kahoy natalubo 10 abot 15 metro. Pirming may dahon bilog na taon, ini pwede sa malimpoy na lugar. Parati ini tinutuboan nin dalig sa poon. Tanos an troso kaini asin napoon pagsaranga sa katangaan. An ubak mahalnas may loro-li'gi'. An mga dahon makilyab, makunot, mga 12 abot 25 sentimetro an laba saka giring-gitingon. An mga burak mapuputi, darakula, mga 15 sentimetro asin malamulang pistil asin stamen. An mga prutas nakakakan, maalsom, bilogon, mga anom abot walong sentimetro an diametro.

Gamit

An prutas, inapod na "elephant apple" sa Ingles, may diametro na lima asin anom na sentimetro. May laman na malumoy, berde asin malumhok na baludbod, an namit nakaagid sa maalsom na berdeng mansanas. Nagagamit ini sa paggibong sarsa, santan asin pang-alsom sa sira. An tagok kan prutas pwedeng pang-ha'nos sa buhok.

An pasagi' kaini gamit sa paggibong muebles o gamit sa mga konstruksyon, asin an supat kan kahoy makintab. May tugma' man nakukua sa ubak.