Kanlaon
An Kanlaon (Hiligaynon: Bolkang Kanglaon; Sinugbuanon: Bolkang Kanglaon; Tagalog: Bulkang Kanlaon; Kastila: Volcán Canlaón), o Bulkan Kanlaon, sarong estratobulkan sa isla ng Negros, Filipinas. Iyo ini an pinakahalangkaw na punto sa Negros, sagkod sa bilog na Kabisayaan, na igwa nin langkaw na 2,465 m (8,087 pye) labaw sa pantay-dagat.
| Bulkan Kanlaon | |
|---|---|
| Kanlaon | |
 Kanlaon Volcano as seen from the east | |
| Pinakahalangkaw na Piye | |
| Elebasyon | 2,465 m (8,087 ft) 2,435 metre  |
| Prominensiya | 2,430 m (7,970 ft) |
| Nililista | Ultra prominent peaks |
| Tagboan | 10°24′42″N 123°07′54″E / 10.41167°N 123.13167°ETagboan: 10°24′42″N 123°07′54″E / 10.41167°N 123.13167°E |
| Mga dimensyon | |
| Pagpapangaran | |
| Heograpiya | |
.svg)  Bulkan Kanlaon Mapa kan Filipinas | |
| Nasyon | Filipinas |
| Estado | |
| Rehiyon | |
| Heolohiya | |
| Tipo kan Bukid | estratobulkan |
| Bulkanikong arko/paha | Negros Volcanic Belt |
| Huring pagtuga | Hunyo 18, 2016 |
| Pagtukad | |
 | |
An bulkan nasa tanga kan mga probinsya nin Negros Occidental asin Negros Oriental, namumugtak haros 30 kilometros sa sur-subangan kan Bacolod, an kabisera asin pinakamatawong syudad kan Negros Occidental asin kan bilog na isla. Saro ini sa aktibong mga bulkan sa Filipinas asin kabtang kan Singsing nin Kalayo kan Pasipiko.
Pisikal na kamugtakan
baguhon
An Kanlaon igwa nin langkaw na 2,465 m (8,087 ft) sa pinakaitoktok kaini, alagad sa ibang toltolan igwa ini nin 2,435 m (7,989 ft), na igwang diametro sakop an pamitisan nin 30 km (19 mi) asin igwa nin mga konong pyroclastic asin mga gadan na bunganga sa norte-norteng sulnopan. Sa ibaba asin norte kan itoktok iyo an aktibong bunganga nin Lugud. An norte kan Lugud iyo an kawa na midbid bilang Margaja Vally igwa nin sukol na 2 by 0.8 km (1.24 by 0.50 mi) na igwa nin sadit asin panahonan na danaw na crater lake.[1]
Igwa nin tulong mainit na bukal sa abaga kaini: Mambukal Hot Springs sa nortesulnopan, Bucalan Hot Spring asin Bungol Hot Spring. An mga katampad na bulkan kaini iyo an Bulkan Silay asin Bulkan Mandalagan, norte kan Kanlaon.
An Canlaon, sarong syudad na igwa nin sakop kan gamping Negros Oriental kan bulkan, namumugtak sa hababang parte kaini haros yaon sa subangan-sur-subangan kan toktok.[1]
Mga lugar nin tukadan asin bagtasan
baguhonAn bulkan sarong paboritong lugar kan mga paratukad asin iyo an pinakatampok kan Mount Kanlaon Natural Park, sarong pambawang parke na inot na iminukna kan Agosto 8, 1934.[2][3]
An mga bagtasan kan himga paratukad minapoon sa tahaw kan barangay Guintubdan. Nagin nang aktibo an mga namamanwaan sa pangkinaban na kooperasyon na nakikipagtabangan sa nagkapirang Europeong institusyon tanganing ipamidbid an pinakabagong Unified Hiking Marker System bilang pinakainot na pankadagaan na lokasyon nin turismo sa Filipinas. Aragid an sistema sa gabos na mga nasyon na igwa kaini.
Pinakahuring aktibidad kan bulkan
baguhonKan Marso 11, 2020, itinaas kan PHIVOLCS an lebel nin alerto poon 0 sagkod 1 huli sa abnormal na aktibidad poon Marso 9, 2020. Walampulong pambulkan na mga linog an naitala poon kan aldaw na ini.[4]
Hilingon pa
baguhonToltolan
baguhon- ↑ 1.0 1.1 "Kanlaon Volcano Page" Archived February 18, 2012, at the Wayback Machine.. Philippine Institute of Volcanology and Seismology.
- ↑ "NIPAS's 202 Initial list of components" Archived March 20, 2012, at the Wayback Machine.. Protected Areas and Wildlife Bureau. Retrieved on August 13, 2011.
- ↑ "Protected Areas of Region 6" Archived 2012-03-20 at the Wayback Machine.. Protected Areas and Wildlife Bureau. Retrieved on August 13, 2011.
- ↑ https://www.phivolcs.dost.gov.ph/index.php/kanlaon-volcano-bulletin-menu/9844-kanlaon-volcano-bulletin-11-march-2020-10-00-a-m-alert-level-0-normal-to-alert-level-1-abnormal
