Kanda

Kanda
	Kanda puti an burak, Filipinas
	Kandang rosa an burak, bonsai
Sayantipiko na klasipikasyon
Kahadean:	Plantae
Klado:	Angiosperms
Klado:	Eudicots
Klado:	Core eudicots
Klado:	Asterids
Orden:	Gentianales
Pamilya:	Apocynaceae
Genus:	Adenium
Espesyes:	A. obesum
Ngaran binomyal
	Adenium obesum; (Forssk.) Roem. & Schult.
Subspecies
	Hilingon an teksto
Sinonimo
	Adenium coetaneum Stapf; Adenium honghel A.DC.; Nerium obesum Forssk.

An Kanda (Adenium obesum)(Ingles, desert rose, Bangkok kalachuchi, frangifani, Frangipiani, temple flowers o graveyard flowers) sarong tinanom na nagkakahoy. Kasyahan sana an pagkakahoy, ini nalangkaw abot limang metro alagad medyo malomhok asin bakong gadot an saiyang pagkahoy. An kanda, depende sa species, nagbuburak na nadarang kolor na puti, pula, giyaw, mairom na rosa o lila. Tinatanom ining ornamental asin usong atamanon man na bilang bonsai. Igwang limang species an kanda asin inaapod pa man ining 'kalachuchi' sa Filipinas.

Mga pakinabang

Pwede man ining padakulon paagi nin pinutol sanang sanga o magpatambo paagi nin pisog. An kanda may maputing tagok na mapulot na sinasabing igwang toxic cardiac glycosides asin ini uso sa Aprika na ilahid sa pana bilang kamandag na marara sa pagdakop nin hayop sa kadlagan. ^[2]An gina'gang tubig na binuntogan kan ubak kaini sinasabing pampa'awas kun habong ipadagos an pagbados alagad ini sobrang pait, pero ini iniinom man sa pagbulong nin pag'oobra, sa kulog ngipon o ngaros; an tagok na sinalak sa lana nin niyog remedyo man sa mga gatol-gatol, asin an dinukdok na dahon pantapal sa mga gatok. An burak man kaini ginigibong olor ta mahamot.