Jose Eduardo dos Santos
Si José Eduardo dos Santos (namundag Agosto 28, 1942)[1] sarong taga-Angolang pulitiko asin siya an presenteng Presidente kan Angola asin iyo man an Pamayo kan Pwersa Armada nin Angola. Nakasakat siya sa poder kan an banwang ini nakamit an katalingkasan kan taon 1975. Poon kaidto sagkod ngunyan siya pa man an nakatukaw na presidente. Siring man, siya an Pamayo kan MPLA (People's Movement for the Liberation of Angola).[2]
Buhay asin Karera
baguhonIpinangaki sa distrito nin Sambizanga sa Luanda,[1], an mga magurang niya iyo sinda Avelino Eduardo dos Santos asin Jacinta José Paulino, mga imigrante haleng São Tomé y Príncipe. Siya nag'adal kan primarya sa Luanda, nagkuang sekundarya sa Liceu Salvador Correia,[3][4]
Nagpoon siyang magin aktibo sa pulitika kan siya nagkaklase pa ta nag'ayon siya sa MPLA alagad huli sa pan'iipit kan gobyerno kolonyal, naghubo' siya sa kadolon na banwa nin Kongo kan taon 1961. Duman makusog an pakikisaro niya sa anoman na sinisibotan kan partidong MPLA mala ta nagin na siyang sarong opisyal igdi. Sa pagpadagos kan saiyang edukasyon, nagbalyo siya sa Unyon Sobyet kan 1969 asin duman natapos niya an kurso sa petroleum engineering asin sa radar communications[5] sa Azerbaijan Oil and Chemistry Institute sa Baku, Azerbaijan.[6]
Paglaog kan taon 1970, buminalik siya sa Angola na kan mga taon na idto, sarong teritoryo kan Portugal asin inaapod na Overseas Province of Angola. Nagbali siya sa pwersa gerilya kan MPLA (Exército Para a Libertação de Angola) na ini pigngaranan nang FAPLA (Forças Armadas Populares de Libertação de Angola), sarong sanga kan MPLA. Igdi nagin siyang radio transmitter nadestino sa ika-2ng politico-militar na rehiyon. Kan 1974 nataas siya sa katongdan ta ginibo na siyang sub-kumander kan telecoms service kan ika-duwang rehiyon. Manta', siya nagserbing representante kan MPLA sa Yugoslavia, sa Demokratikong Republika kan Kongo, sa Republikang Popular kan Tsina bago mapili na bilang myembro sa Central Committee asin Politburo kan MPLA duman sa probinsya nin Moxico kan Septyembre 1974.[7]
Toltolan
baguhon- ↑ 1.0 1.1 W. Martin James and Susan Herlin Broadhead, Historical Dictionary of Angola (2004), Scarecrow Press, page 145.
- ↑ "Introduction ::Angola". Archived from the original on 2020-05-06. Retrieved 2012-07-03.
- ↑ The Embassy of the Republic of Angola in Abu Dhabi. Adangola.ae. Retrieved on 2011-01-09.
- ↑ Notícias do Brasil | Noticias do Brasil, Portugal e países de língua portuguesa e comunidades portuguesas. Noticiaslusofonas.com (2006-02-23). Retrieved on 2011-01-09.
- ↑ http://books.google.com.ph/books?id=Mz-fXRsedPMC&pg=PA12&redir_esc=y p. 12
- ↑ "Biography on the Angolan Embassy Hellenic website". Archived from the original on 2011-10-03. Retrieved 2012-07-03.
- ↑ http://mpla-angola.org/opresidente.php#bio
