Angola

An Angola, opisyalmente Republika kan Angola (Portuges: Republica de Angola, sinasayod [ʁɨˈpublikɐ dɨ ɐ̃ˈɡɔla]; Kikongo, Kimbundu, Umbundu: Repubilika ya Ngola), sarong nasyon namomogtak sa sur-sentral nin Aprika asin an mga kadolon kaini iyo an Namibia sa habagatan, an Demokratikong Republika nin Kongo sa amnayan, asin an Zambia sa subangan; an kosang solnopan niya yaon sa Dagat Atlantiko. An Luanda iyo an saiyang syudad na kabisera, manta na an probinsya nin Cabinda, na napasuway sa mayor na teritoryo kan Angola, kadolon an Republika kan Kongo asin an Demokratikong Republika kan Kongo.

Wagayway kan Angola

Eskudo de armas kan Angola

Mapa kun saen ipinapaheling an kinamomogtakan kan Angola

An mga Portuges nagsakop sa mga magkapirang lugar kan Angola, kadaklan sa mga parteng kosa, poon ika-16 sungdo ika-19ng siglo asin nakikitrato sa mga nagbabanwa sa mga lugar na ini sa negosyo asin sa iba pang mga bagay. Paglaog kan ika-19 siglo, luwayluway asin padikitdikit na nansakop sinda sa mga interior na parte kan Angola. Bilang sarong tunay na kolonya kan Portuges, ini nangyari sana kan mga 1920. Kan makamit an katalingkasan, an Angola nag'agi sa makuring gera sibil, poon 1975 abot 2002. An nasyon na ini may mahiwas asin hararom na deposito nin mga mineral asin petrolyo, alagad an lawig kan buhay igdi asin an mortalidad kan mga aki tinataya bilang iyo an pinakagrabe sa kinaban.

Pagkabaranga kan mga probinsya

Nº	Probinsya	Kabisera	Hiwas (km²)
1	Bengo	Caxito	31.371
2	Benguela	Benguela	31.788
3	Bié	Kuito	70.314
4	Cabinda	Cabinda	7.270
5	Kuando Kubango	Menongue	199.049
6	Kwanza-Norte	N'Dalatando	24.190
7	Kwanza-Sul	Sumbe	55.660
8	Cunene	N'Giva	89.342
9	Huambo	Huambo	34.274
10	Huila	Lubango	75.002
11	Luanda	Luanda	2.418
12	Lunda-Norte	Lucapa	102.783
13	Lunda-Sul	Saurimo	45.649
14	Malanje	Malanje	97.602
15	Moxico	Lwena	223.023
16	Namibe	Namibe	58.137
17	Uige	Uíge	58.698
18	Zaire	M'Banza Kongo	40.130

Galeriya

• 
  Simbahan sa Tombua, probinsya kan Namibe, Enero 2010
• 
  Sarong iskultura representado an pigurang babae. Banwang Chokwe, Angola, amay kan ika-20ng siglo.
• 
  "Mga Itom na Gapo" nin Pungo Adongo sa Angola
• 
  Sarong tanawon sa Luanda
• 
  Busay nin Kalendula, sa Malange, 2009