Si Francisco Moreno Domagoso (namundag Oktobre 24, 1974) sarong Filipinong politiko. Siya an ika-27 alkalde asin dating bise-alkalde kan Siyudad nin Manila, an kabisera nin Filipinas; asin dating 3-terminong konsehal sa enot na distrito kan siyudad. Siya dati man na aktor, na gamit an bansag na Isko Moreno, na nagin popular na gayo bilang "matinee idol" asin nagpoon nang magbida sa mga papel na inapod sa genre'ng "Titillating Films" nauso kan mga 1990.[1]

The Honourable
Isko Moreno Domagoso
27th Alkalde kan Manila
Inkumbent
Pagtukaw sa pwesto
Hunyo 30, 2019
Vice Mayor Maria Sheilah Lacuna-Pangan
Suminunod ki Joseph Estrada
Undersecretary of Social Welfare and Development for Luzon Affairs
Termino
Mayo 11, 2018 – Oktobre 11, 2018
President Rodrigo Duterte
Bise Alkalde kan Manila
Termino
Hunyo 30, 2007 – Hunyo 30, 2016
Suminunod ki Danilo Lacuna
Sinundan ni Maria Sheilah Lacuna-Pangan
Member of the Manila City Council from the 1st district
Termino
Hunyo 30, 1998 – Hunyo 30, 2007
Personal na mga detalye
Kamundagan Francisco Moreno Domagoso
(1974-10-24) Oktobre 24, 1974 (edad 49)
Tondo, Manila, Filipinas
Partido politikal Nacionalista (2007-2010; 2018-presente)
Asenso Manileño (1998–presente)
Iba pang partido PMP (2015-2017)
UNA (2010–2015)
Agom Diana Lynn Ditan
Mga aki Vincent Patrick, Frances Diane, Joaquin Andre, Franco Dylan asin si Drake Marcus
Dinakulaan Santa Cruz, Manila
Kasibotan Aktor, Politiko

Kaamayi kan buhay baguhon

Si Domagoso aking solo na Joaquin Domagoso (sarong kargador sa Manila's North Harbor) asin Rosario Moreno (na gikan Allen, Northern Samar).[2] Sa edad na 10 anyos, ngane makatabang sa pagbuhay kan pamilya, siya nagtutulod nin kariton sa pagkolekta nin mga lumang peryodiko asin mga botelya sa mga harong-harong asin saiyang ipinapabakal sa mga paralagdo'.[3] Siya sige man an panruskay sa mga basurahan nin mga restoran sa pagtipon mga tada-tadang kakanon na an saiyang ina dagos linuluto liwat bilang saindang pamanggihan.[1]

Edukasyon baguhon

Si Domagoso nagtapos high school sa Tondo High School. Dangan kan siya konsehal na, siya nag'entra sa University of the Philippines National College of Public Administration and Governance. Nakatapos man siya nin mga programa edukasyonal sa International Business Leaders Program kortesya kan U.S. State Department, asin kan mga executive program sa JFK School of Government sa Harvard University asin sa Oxford University. [4]

Pamilya baguhon

An napangagom ni Domagoso iyo si Diana Lynn Ditan. Igwa sindang limang aki: Vincent Patrick (namundag, 1998), Frances Diane (namundag 2000), Joaquín André (namundag 2001), Franco Dylan (namundag 2006), asin si Drake Marcus (namundag 2012).

Nagin aktor baguhon

Si Domagoso kan Enero 1993, sa dai hinuhuna, naalok kan sarong talent manager na si Wowie Roxas na magpapel sa kamera bilang aktor. Pinakaenot niyang papel iyo sa RPN 9 teen drama anthology, Young Love, Sweet Love (1987-1993) na mayo man siyang ginibo magdoon sa doorbell. An taga-atom kan programa iyo si German "Kuya Germs" Moreno, sarong batikanong personalidad sa entertainment, sunod-sunod na siyang nakuang magin aktor sa mga pelikula asin igdi na siya nakamate nin kaginhawan sa buhay. Nagluwas siya sa dakul na pelikula na an magkapira kaini iyo an minasunod: May minamahal (1993), Muntik na kitang Minahal (1994), Misteryosa (1995), Mga Babae sa Isla Azul(1995), Frats (1997), Dodong Scarface, Exploitation, Siya'y Nagdadalaga.[5][6]

Nagin politiko baguhon

Kan Enero 1998, nagtapsok siya sa politika. Nagin siyang konsehal sa Enot na distrito nin Manila (1998-2007) asin kan panahon na idto siya gradwado sanang high school. Tolong termino siya sa pwestong ini. Kan 2007 na eleksyon, guminana siya bilang bise alkalde asin igdi nagkapot siya kan puwesto sa tolong termino (2007-2016). Kan 2016, siya nagdalagan sa pagka-Senador kan Filipinas alagad dai siya nakaluwas ta huminugpa siya sa ika-15 pwesto. Nagin pa man siyang Undersecretary of Social Welfare and Development for Luzon Affairs (Mayo 11, 2018-Oktobre 11, 2018) alagad nagbutas sa katongdan na ini huli sa intensyon niyang magdalagan bilang alkalde kan Manila. Kan eleksyon Mayo 2019, siya nakaluwas bilang alkalde kan Manila.

Si Moreno nagplantar kan saiyang kandidatura para presidente sa eleksyon nasyonal na gigibohon sa 2022. Magdadalagan siya sa ;lindong kan Partido Aksyon Demokratiko.[7]

Toltolan baguhon

  1. 1.0 1.1 Ancheta, Michael (July 15, 2007). "Actor-turned vice mayor Isko Moreno pursues his true calling". Philippine Entertainment Portal. Archived from the original on 2008-01-11. https://web.archive.org/web/20080111013952/http://www.pep.ph/articles/13128/Actor-turned-vice-mayor-Isko-Moreno-pursues-his-true-calling-. Retrieved on 2008-02-09. 
  2. [1]news.abs-cbn.com. Kinua 2019-07-28,
  3. "The story of Isko Moreno on Maalaala Mo Kaya". Sun.Star Manila. August 26, 2004. Archived from the original on February 25, 2008. https://web.archive.org/web/20080225132058/http://www.sunstar.com.ph/static/man/2004/08/26/life/the.story.of.isko.moreno.on.maalaala.mo.kaya..html. Retrieved on 2008-02-09. 
  4. [2]www.esquiremag.ph. Kinua 2019-07-28
  5. [3]news.abs-cbn.com. Kinua 2019-07-28
  6. [4]www.imdb.com. Kinua 2019-07-28
  7. Kandidato para presidente.[5]Kinua 10-30-21.