Holden Caulfield
Si Holden Morrisey Caulfield sarong karakter sa nobela ni J.D. Salinger na The Catcher in the Rye. Puon kan ini maipublikar, si Holden nagin simbolo kan rebelyon kan mga hobenes asin pinagkokonsiderang saro sa mga importanteng karakter kan 20-siglo literatura kan mga Amerikano. Nagluwas an pangaran na Holden Caulfield sa sarong dai naipublikar na usipon kan taon 1941 asin inot man ining nagluwas sa imprenta kan taon 1945.
.jpg)
Dawa ngani na pinagsasabi man na nakua daa ni Salinger an pangaran na Holden Caulfield sa 1947 na pelikulang Dear Ruth, kun sain nagin bida man sinda William Holden asin man Joan Caulfield, makukua naman an ngaran na ini sa usipon nyang "I'm Crazy" na inot nang nagliwas sa Collier's kan Disyembre 22, 1945. Ini, sarong taon may kabanga bago mailuwas an pelikula.
Paliwanag sa hoben na naratibo
baguhonSi Holden dai nin pagmangno asin pigkakauyaman ngani an kinaban kan mga gurang. Saro sa mga paglaladawan ki Holden, iyo an pagsisitar nya sa mga ipokrisya sa saiyang kapalibutan. An sinisismong ini iyo an nagtaong rason tanganing magdistansya sa mga tawong muyang magkaigwa nin koneksyon saiya. Sarong karakter si Holden na pano nin mga kontradiksyon. Sa edad na 17, an saiyang langkaw nag-aabot na nin 6'2 1/2 (185 sentimetro), asin pigtutubuan naman sya nin mga uban - dawa pa ngani pig-aku nya man na paminsan garo daa sya 13 anyos sana kun maghiro-hiro. Pirmi man harababa an saiyang mga grado alagad marhay man an saiyang mga grado sa Ingles huli sa tibay nya sa pagsurat.
Sa The Catcher in the Rye
baguhonSi Holden Caulfield an nag-iistorya asin an mayor na karakter sa The Catcher in the Rye. Ipigsasay igdi an saiyang pig-agihan sarong semana sa New York, aldaw nin kapaskuhan, taon 1948/49. Ini matapos na mapahali sya sa Pencey Prep, sarong preparatory school sa Pennsylvania na basado man sana sa alma mater ni Salinger na Valley Forge Military Academy. Pigsaysay ni Holden Caulfield an saiyang istorya nin daing halong paghurohambog mantang nasa sarong ospital sa California.
An pamilya ni Caulfield sa iba pang mga obra
baguhonAn "Last Day of the Last Furlough" manungod sa huring aldaw ni Babe Gladwaller bago sya magpasiring sa laban kan ika-duwang gerang pankiban. Kaibahan nya an saiyang tugang na babayi bago si Vincent Caulfield (namidbid bilang D.B. sa nobela) nag-abot. Sa puntong idto si Vincent pasiring man na gayo sa gera. Pig-anunsyo kaini na an saiyang tugang na si Holden, nawawara. An relasyon ni Gladwaller sa saiyang nguhod na tugang na babayi, mahihiling na pareho sa relasyo ni Caulfield ki Phoebe.
Kultural na impluwensya
baguhonSaro si Holden Caulfield sa pinakabantog na karakter sa ika-20 siglo American fiction. Pigsasabing basar man mismo an karakter ni Holden sa pagkatawo ni Salinger kaya pig-iingatan nya man an karakter na ini. Saro ini sa rason kun tano ta habo nya isapelikula an an libro o kaya man gamiton an saiyang mga karakter kan ibang mga parasurat. Pigtutulod man an pagbasa kan The Catcher in the Rye sa ibang eskwelahan mantang igwa man na ipigbabawal ini huli sa gamit kaining lenggwahe asin man idtong garo pagpapa-orog pa sa rebelyon.
Mga panluwas na takod
baguhonMga dai natipon na usipon ni Salinger
- Slight Rebellion off Madison.
- In Japan, most of the short stories are already translated into Japanese (compiled in two volumes) and still commercially available with the approval of Salinger's agents (ISBN 4-7521-0001-0 / ISBN 4-7521-0002-9). Even Hapworth 16, 1924 is available (ISBN 4-7521-0004-5).
Fan sites
