Himati Poetry Reading Series
An Himati (Himati Poetry Reading Series)[1] sarong serye nin pagbabasa nin mga rawitdawit na pigpadrinuhan man kan sarong lokal na bookshop (Savage Mind Bookshop) sa syudad kan Naga asin man kan Ateneo de Naga University Press . An titulo kan program guno man sa tataramon na "mati" na an boot sabihon iyo an pagmamangno kan ano man na nasa luwas magin ini man kariribokan o lenggwahe. Alagad sa bersyon man na yaon sa diksyunaryo ni Lisboa, dai ini pinaglilimitaran sana sa pagdangog sa sarong bagay.[2] Ini kabotan man pareho ninda Cordero asin an kapwa nya man parasurat na si Tito Valiente. An inot na serye kan pagbasa nin rawitdawit nahaman sa paagi kan panurat ni Luis Dato na "Day on the Farm" asin pigbasa man ini kan bantog na aktor na si Jaime Fabregas. An inot na serye kaini nagtungod man na gayo sa National Literature Month na pigseselebrar kada bulan nin Abril.[3]Huli sa marhay na responde kan mga paradalan sa programang ini, nagpapadagos ini hasta sa ngunyan.[4] Pira pa man sa mga bantog na artista pantelebisyon asin panteatro na nagin parte kaini iyo man sinda Lui Quiambao Manansala, Enchong Dee, Christian Bables, Richard Quan, Sue Prado, Bon Vibar, Sandino Martin,Max Eigenmann,Teri Malvar dangan si Elijah Canlas.[5]Minsan naman nagin parte an aktor na si Piolo Pascual sa saro sa mga serye kaini kun sain pigbasa kaini an obra kan parasurat na si Michael Coroza.[6] Pira sa mga obrang panliteratura na pigbarasa igdi surat man kan mga bantog na parasurat arog ninda Mariano Perfecto, Eustaquio Diño, Rosalio Imperial, Rudy Alano, Carlos Arejola, Jun Belgica, Gode Calleja, Fr. Wilmer Tria, En Villasis, Michael Obenieta, Kristian Cordero, Jerry Gracio, Raffi Banzuela, Emman Velasco, Albert Alejo SJ, Danton Remoto, asin mga piling dakitaramon sa mga obra man kan mga National Artists na sinda Rolando Tinio, Virgilio Almario, Bienvenido Lumbera.[7]
Toltolan baguhon
- ↑ When words are cheapened by so many untruths, we resort to poetry
- ↑ Beyond Bikol
- ↑ "Himati Poetry Reading". Archived from the original on 2020-07-01. Retrieved 2020-07-01.
- ↑ Reading-and-feeling-poetry-the-Himati-project/
- ↑ Bicolano Celebs Featured At Online Bicolano Poetry Reading Series
- ↑ Piolo Pascual will be reading a Michael Coroza poem for 'Himati'
- ↑ Savage Mind launches Himati, a Bikol poetry program
Panluwas na takod baguhon
1.Savage Mind Arts, Books, Cinema Youtube Channel
Pinopoonan an artikulong ini.