Gyeongbokgung
An Gyeongbokgung (Korean ; lit Blessing Scenery Palace), midbid man bilang Palasyo na Gyeongbokgung, iyo an mayor na palasyo kan dinastiya Joseon. Itinogdok kan 1395, ini yaon sa norteng Seoul, Sur na Korea. Ini pinakadakula sa Limang Grand Palace na itinogdok kan dinastiya Joseon, an Gyeongbokgung nagserbi bilang istaran kan pamilyang hade asin iyo an sentro nin gobyerno.
| Gyeongbok Palace | |
|---|---|
| 경복궁 | |
 Gyeongbokgung at night | |
 | |
| Pangenot na Impormasyones | |
| Tipo | Royal palace (former) |
| Istilo nin Pan'arkitektura | Korean |
| Nasyon | South Korea |
| Tagboan | 37°34′43″N 126°58′38″E / 37.57861°N 126.97722°ETagboan: 37°34′43″N 126°58′38″E / 37.57861°N 126.97722°E |
| Sa ngunyang Kagsadiri | National Palace Museum of Korea National Folk Museum of Korea |
| Pigbukas | 1395 |
| Mga detalyeng teknikal | |
| Hiwas kan Salôg | 415,800 square metres (4,476,000 sq ft) |
| Website | |
| www | |
| Korean name | |
| Hangul | 경복궁 |
| Hanja | 景福宮 |
| Pigrebersong Romanisasyon | Gyeongbokgung |
| McCune–Reischauer | Kyŏngbokkung |
An Gyeongbokgung nagpadagos na nagserbing mayor na palasyo kan dinastiya Joseon sagkod na an mga edipisyo nagkararaot sa kalayo durante kan Gera nin Imjin (1592-1598) asin binayaan nin duwang siglo. Kan ika-19 siglo, an gabos na kuarto kan palasyo ibinalik sa irarom kan liderato ni Prinsipe Regent Heungseon durante kan pagreynar ni Hadeng Gojong. An ibang 500 na edipisyo an ibinalik sa lugar nin labing 40 hectares. An arkitektural na mga prinsipyo kan suanoy na Korea isinaro sa tradisyon asin itsura kan palasyo ni Joseon.
Sa kapinunan kan ika - 20 siglo, an kadaklan sa palasyo sistematikong linaglag kan Imperyo nin Hapon durante kan pananakop kaiyan sa Korea.Kan Enero 21, 1963, ini pigdesignar bilang sarong rogaring kultural. Puon kan 1990, an lanob na edipisyong patogdok nin mga palasyo paluway - luway na ibinabalik sa orihinal na porma kaiyan. Digdi man naghaharong an National Palace Museum asin an National Folk Museum sa laog kan solar kan complex.