Bulawan na Tara
An Bulawan na Tara o Estatwang Agusan hinuhuna' na sarong imahe na Buddhist asin ini estatwang bulawan, 21-karat, nadukayan kan 1917 sa pampang kan Salog Wawa River haraning Esperanza, Agusan del Sur, Mindanao sa Filipinas,[1] na pigtatantya na may kagurangan nang 9 o 10 siglo. Mga 178 mm (7 pul) sa langkaw, mga 1.79 kilogramo (3.94 libra) an timbang, an pigurin sa hitsura sarong babaeng Hindu o Buddhist na diyos-diyosan, nakalamika' asin may putong na koronang labilabing sinamnohan, asin may mga ornamentong sulot sa iba-ibang kabtang kan hawak. An imahen yaon namumugtak ngonyan sa Field Museum of Natural History sa Chicago.[2][3]
| Bulawan na Tara | |
|---|---|
 An Bulawan na Tara, 2016 | |
| Materyales | bulawan, kobre asin pirak |
| Langkaw | 178 mm (7.0 in) |
| Gabat | 1.79 kg (3.9 lb) |
| Pigmukna | ika-9 sundo ika-10ng Siglo, AD |
| Nadiskubre | 1917 Esperanza, Agusan del Sur, Mindanao, Filipinas |
| Kinamumugtakan sa ngunyan | Field Museum of Natural History |
| Kultura | dai pigkaka-uyonan |
Nakadukay baguhon
Sarong Manobo nagngangaran Belay Campos an nakadukay kan estatuwa sa may Salog Agusan sa banwaan nin Esperanza, Agusan del Sur, Filipinas. Ini nasasaray na sa Field Museum of Natural History sa Chicago, Estados Unidos asin igwang mga hiro' sa parte kan gobyerno nin Filipinas na huroton an Estados Unidos na ibalik an estatuwa sa Filipinas komo ini sarong pamanang banwa. [4]
Identidad baguhon
Si H. Otley Beyer nagtutubod na an imahen iyo kan sarong Hindu Sivaite goddess, alagad an mga importanteng detalye sa kamot na may hararom na kahulogan dai toltol na nakopya kan si mga lokal na kagmukna kan nasabing imahen. Ini daa nagtataong riraw na an Hinduismo yaon na sa Filipinas dai pa naabot igdi si Magellan. Alagad, ini man indikasyon na mayong bilog na pagkasabot an mga soanoy na Filipino kan Hinduismong pagtubod na ginuno sa Imperyo Majapahit. Kaidtong gugurang na panahon an mga tinubo' dai tunay na nagin mga taga-pratkis kaini asin nasalo sana an mga nagsaromsom na mga tradisyon na elemento sa Hinduismo manta nati'mos ninda an mga sadiring pagtubod nin pag'aanito. Ining bulawan na tara garo pigmodelo o kinopya an Nganjuk na mga bronseng mga estatuwa kan kaamayan kan peryodong Majapahit.[5]
Alagad, si Juan R. Francisco dai kumbinsido kan argumento ni Beyer asin an saiyang opinion iyo na an Tara na imahen sarong diyos-diyosan kabali sa panteon nin Buddhismo, grupong Mahayana. Ini daa may relasyon sa konseptong babaeng Boddhisattva, asin katumbas sa diyos-diyosan na Hindu I(Sakti), komo sarong Tara (agom kan Buddhist na dyos), sarong pagtubod na napapalaen sa pagtalubo kan Budhismo sa Habagatan-Solnopan nin Asya. [6]
Mga panluwas na takod baguhon
- [2] Archived 2022-01-16 at the Wayback Machine. Museums of the Philippines
- [3] Opinion.Inquirer.net
- [4] Archived 2021-06-28 at the Wayback Machine. Home of Golden Tara.
Toltolan baguhon
- ↑ Francisco, Juan R. (1963). "A Note on the Golden Image of Agusan". Philippine Studies 11 (3): 390–400. ISSN 0031-7837. "It was found in 1917 on the left bank of the Wawa River near Esperanza, Agusan, eastern Mindanao, following a storm and flood".
- ↑ "109928 Agusan gold figure | Philippines | The Field Museum". philippines.fieldmuseum.org. Archived from the original on 30 May 2019.
- ↑ "Archive copy". Archived from the original on 2021-07-17. Retrieved 2021-07-14.
- ↑ "Archive copy". Archived from the original on 2021-07-17. Retrieved 2021-07-14.
- ↑ "[Bronze statues from Nganjuk] OD-3577 | Digital Collections". digitalcollections.universiteitleiden.nl. Archived from the original on 2020-08-03. Retrieved 2020-03-15. Unknown parameter
|url-status=ignored (help) - ↑ [1]. Juan R. Francisco. A Note on the Golden Image of Agusan.
