Gladys Zender
Si Gladys Rosa Zender de Meier (née Zender Urbina; namundag kan Oktobre 19, 1939) sarong taga-Perung modelo asin reyna nin kagayon na nagin pinakainot na babaing gikan sa Amerikang Latin na nanaog sa Miss Universe. Siya kinoronahan bilang Miss Peru Universe 1957 ni Miss Peru Universe 1956, Lola Sabogal Morzán.[3]
| Gladys Zender | |
|---|---|
| Kamundagan | Gladys Rosa Zender Urbina Oktobre 19, 1939 Lima, Peru[1] |
| Langkaw | 1.70 m (5 ft 7 in)[2] |
| Titulo | Miss Peru 1957 Miss Universe 1957 |
| Beauty pageant titleholder | |
| Kolor kan buhok | Itom[2] |
| Kolor kan mata | Kayumanggi[2] |
| Mga darakulang kompetisyon | Miss Peru 1957 (Nanaog) Miss Universe 1957 (Nanaog) |
Miss Universe baguhon
Namundag siya sa sarong amang Swiss asin inang taga-Peru, siya nanggana kan titulong Miss Universe 1957 sa Long Beach, California, Estados Unidos.
Matapos makoronahan, ibinunyag na si Zender sarong 17 anyos sanang daraga, ini pirang bulan na kulang sa kinakaipong pinakahababang edad sosog sa kompetisyon. An mga opisyal kan pagarayonan nagdesider na ipadagos niya an pagreynar matapos na ikinonsiderar siyang 18 sa Peru.[3] Kan parehong taon, tinanggalan man nin titulo si Miss USA, Mary Leona Gage, asin natanggal bilang semi-pinalista sa Miss Universe matapos na maisihan na ini igwa nang agom asin ina na sa duwang aki. Sinalidahan ni Miss Argentina, Mónica Lamas, si Gage bilang saro sa 15ng semi-pinalista.
Personal na buhay baguhon
Inagom si Zender ni Antonio Meier kan 1965, asin nagin pribado an buhay; nagkaigwa sinda nin apat na aki. An saindang aking lalaki na si Christian Meier, sarong midbid na aktor asin parakanta sa Peru na namidbid sa ibang nasyon sa Latin Amerika. Kan 2003, tinugotan ni Zender an Caretas tanganing maretratohan asin si Meier kan saindang harong na ipinapahiling an manlainlain na artipaks kabali an koleksyon nin arteng Inca, na natipon kan mag-agom sa lawig nin panahon na sinda magkaibahan.
Toltolan baguhon
- ↑ https://es.paperblog.com/29-de-marzo-gladys-1780140/
- ↑ 2.0 2.1 2.2 "Peruvian beauty, new Miss Universe". Lodi News-Sentinel. United Press. July 20, 1957. https://news.google.com/newspapers?id=tXIzAAAAIBAJ&sjid=zu4HAAAAIBAJ&dq=&pg=4254%2C2246374. Retrieved on 18 April 2019.
- ↑ 3.0 3.1 "Whew! She's crowned, but it sure was work". The Montreal Gazette. Associated Press. July 22, 1957. https://news.google.com/newspapers?id=5oItAAAAIBAJ&sjid=cJkFAAAAIBAJ&dq=&pg=2507%2C3736810. Retrieved on 18 April 2019.
Mga panluwas na takod baguhon
- Waltz for Gladys Zender Peruvian waltz na nakadedikar ki Gladys Zender
- Polka for Gladys Zender Peruvian polka na nakadedikar ki Gladys Zender
