Si Edgardo Jose "Gary" Santiago Valenciano (namundag, Agosto 6, 1964), na bisto komo Gary V. asin Mr. Pure Energy, sarong kompositor, parakanta, asin parabayle na gtaga Filipinas. Igwa na siyang pinaguhit na 26 album. Ipinahiling niya an husay niya sa saiyang karera kan siya 11 beses nang nagawadan kan titulong "Best Male Performer" kan Awit Awards. Kan taon 1998, an UNICEF Philippines tinokahan siya bilang Embahador kan nasabing ahensya. Sa kadakul niyang mga kanta, an mga minasunod an naglalataw na gayo: An "'Di Bale Na Lang", "Eto Na Naman", "Sana Maulit Muli", "Natutulog Ba Ang Diyos?", "Gaya ng Dati", "Pasko Na, Sinta Ko" at "Narito".[2][3]

Gary Valenciano
Gary Valenciano nagkanta sa Toronto, 2014
KamundaganEdgardo Jose Santiago Valenciano
(1964-08-06) 6 Agosto 1964 (edad 59)
Santa Mesa, Manila, Philippines[1]
Iba pang mga ngaranGary V., Mr. Pure Energy
TrabahoParakanta, paragibong kanta, prodyuser nin plaka, musiko, aktor, entertainer, tagamato sa telebisyon, huwes sa reality show asin mentor
Mga taon na aktibo1978–presente
Websityo
http://www.garyv.com

Sa presente, siya yaon sa tropa kan ABS-CBN asin parating napipili na magkanta kan mga teleseseryeng kantahon sa nasabing istasyon asin sa mga pelikula kan Star Cinema.[4]

Kaamayi kan buhay/Edukasyon/Pamilya baguhon

Si Gary Valenciano namundag sa distrito nin Santa Mesa kan Syudad nin Manila kan 6 Agosto 1964. Siya an ikaanom sa pitong aki na Vicente Calacas Valenciano, sarong Bicolano tubong Camalig, Albay asin Grimilda Santiago y Olmo, sarong Puerto Rican tubong Arecibo. An mga magurang niya nagkatagboan sa Nweba York asin nagkaaragoman dangan nagestar sa Manila. Manta an ama niya Bicolano, an ina niya man Puerto Rican na may dugong Italiano. An ina niya, na mahilig sa musika, saro man na parakanta sa opera sa Manila kan mga 1960. Si Valenciano nagklase kan saiyang primarya asin sekundaryang eskwelahan sa La Salle Green Hills. An saiyang naagom iyo si Maria Anna Elizabeth "Angeli" Evangelista Pangilinan. Igwa sindang tolong aki na sinda Juan Paolo Martin (vocalist sa bandang Salamin), Jose Angelo Ga briel (parabayle), asin si Kristina Maria Mikaela.[5]

Kamugtakan sa salud baguhon

Enot nang nabareta na siya may diabetes. Kan Hulyo, ngonyan taon 2018, siya nag'agi sa heart bypass asin may nasirip an mga doktor na may nagpopoon na kanser sa saiyang toong bato. An mga siruhano pighale an 30 % kabtang kan saiyang bato ngane dai na maglakop pa an helang na ini. [6]


Mga Pelikula baguhon

Taon Pelikula Papel Nota
1984 Hotshots[7] Pinaka-enot na pagluwas ni Valenciano sa pelikula
1986 Horsey-horsey: Tigidig-tigidig Tommy
1986 Payaso[8]
1987 Di bale na lang[9] Nelson
1987 Maria Went to Town Fernando
1988 Ibulong mo sa Diyos[10] Gilbert
1988 Rock-a-Bye Baby[nangangaipo nin toltolan] Mike
1988 Natutulog Pa Ang Diyos Mark Vilchez
1990 Kung tapos na ang kailanman[11]
1990 Papa's Girl[12] Raffy
1991 Kaputol Ng Isang Awit[12] Johnny Abrigo
1995 Hataw na[13] Robbie Mallorca
1996 SPO1 Don Juan: Da Dancing Policeman[14] Bicycle Cop
2005 Gary V: Music Video Collection" Siya mismo Bidyong musikang tipon ni Valenciano
2007 The Bicycle (Gulong) Tito Lito
2011 Subject: I Love You Choy Ibinatay sa "I Love You" kompyuter virus kan 2000
2012 I Do Bidoo Bidoo: Heto nAPO Sila! Nick Fuentebella Nasikwit, Best Motion Picture (Musikal o Komedi)

Toltolan baguhon

  1. "Philippines, Manila, Civil Registration, 1899-1984 Image Philippines, Manila, Civil Registration, 1899-1984; ark:/61903/3:1:939F-VPSH-YS — FamilySearch.org". Retrieved October 30, 2015. 
  2. [1]www.imdb.com. Kinua 2018-10-19
  3. [2] wwws.last.fm. Kinua 201i8-10-19
  4. [3]www.imdb.com. Kinua 2018-10-19
  5. [4] www.last.fm. Kinua 2018-10-19
  6. [5]www.rappler.com. Kinua 2018-10-19
  7. 80's Pinas (2009-12-26). "80's Pinas: Hotshots 1984". 80spinas.blogspot.com. Retrieved 2017-10-17. 
  8. by @florencioviray (2013-01-31). "Filmography: Payaso (1986)". Star For All Seasons. Retrieved 2017-10-17. 
  9. "Di Bale Na Lang | Tagalog Movies by". Kabayancentral.com. 1998-12-28. Retrieved 2017-10-17. 
  10. by @florencioviray (2009-11-16). "Filmography: Ibulong Mo Sa Diyos (1988)". Star For All Seasons. Retrieved 2017-10-17. 
  11. "Kung tapos na ang kailanman - Theiapolis". Cinema.theiapolis.com. Archived from the original on 2016-05-31. Retrieved 2017-10-17. 
  12. 12.0 12.1 "Papa's Girl - Theiapolis". Cinema.theiapolis.com. Archived from the original on 2016-05-31. Retrieved 2017-10-17. 
  13. [6]
  14. "SPO1 Don Juan: Da Dancing Policeman, comedy movie". All-films.com. Retrieved 2017-10-17.