Evelyn Caldera Soriano

Si Evelyn Caldera Soriano ( - Hulyo 26, 2024),sarong Associate Professor asin director kan European Studies sa Ateneo de Manila na Unibersidad. Nakua niya an saiyang diploma sa pagtokdo nin Pranses asin Kastila duman sa Pransya asin Espanya. Kan 1987 nakaresibi siya kan Chevalier des Palmes Academiques award hale sa gobyerno kan Pransya asin sunod Outstanding Professor na award hale sa Ateneo kan 1993.

Sa maogmang pagkatoro-torongod, nasurat niya an librong Tomas and Ludovico Arejola: BICOLANO REVOLUTIONARIES sa tabang kan National Commission for Culture and the Arts asin naisip niya nanggad na bilogon an libro huli ta napo'nan lang an pasabong kan siya an nagmana kan mga mahalagang mga memorabilia manongod kan mga buhay na Ludovico asin Tomas Arejola. Ilinito na sa saiya kan magadan na an balo ni Tomas Arejola na si Mercedes Caldera Arejola an gabos na saray kaini na mga retrato, mga surat asin mga dokumento dapit sa buhay kaining mga heroe. Si Mercedes Caldera iyo an saiyang ina-on sa parte kan saiyang ama.

Natongod pa na si Tomas Arejola saiya man na lolohon huli ta an tugang ni Tomas na si Encarnacion Arejola Hilado, saiya man na lolahon sa parte kan saiyang ina.

Si Soriano soboot nagadan sa katahawan kan saiyang pagturog kan Hulyo 25, 2024.

Vocabulario de la lengua bicol ni Lisboa ipinalis sa Ingles

Sarong dakulaon na proyekto ni Soriano iyo an matapos an pagpalis kan Vocabulario ni Lisboa (pub. 1754) sa Ingles, na pinu'nan kan ina niyang si Letecia Arejola Hilado de Caldera. Ini naimprenta kan 2023 kan Ateneo de Naga University Press.

Toltolan

Tomas and Ludovico Arejola: BICOLANO REVOLUTIONARIES. Evelyn Caldera Soriano. National Commission for Culture and the Arts. 1999. 156 na boklit.