Si Ernesto Gavino Verdadero (namundag, Nob. 7, 1948), sarong peryodista, parasurat nin libro, kolumnista sa Bicol Mail, broadkaster, dating politiko asin aktibista, TV host. Namundag sa Milaor, Camarines Sur, siya nagin bokal sa probinsya kan Camarines Sur asin nagtukaw man bilang myembro sa Board of Trustee kan Camarines Sur Agricultural College (CSSAC)(ngonyan, Central Bicol State University of Agriculture (CBSUA)). Siya an host kan programa sa telebisyon na INI AN TOTOO na dati ini-ere sa GNN 13 asin ngonyan yaon na sa PBN CH 5 TV asin kasabay man ini-ere sa OK FM 750, Caceres Cable asin Sky Cable tuyong Sabado, soro-semana, alas nwebe y media abot alas dies y media nin aga.[1][2]

Si Ernie Verdadero, parasurat asin kolumnista (2022)
Programa sa TV Ini an Totoo ni Ernie Verdadero (Nakatukaw sa too)

Pamilya/Edukasyon baguhon

An saiyang mga magurang iyo sinda Leopoldo Verdadero asin Lucia Gavino na pareho mga taga-Milaor. Napangagom niya si Consuelo Antonio. An saindang pagsasaro nagbunga nin tolong aki: Don Vito, Ernesto, Jr. asin si Maria Niña. Nagkua si Verdadero kan elementarya niya sa Milaor Central Elementary School (valedictorian), dangan an sekundarya sa Ateneo de Naga (1966). Pag'abot sa kolehiyo, nagduwang taon siya sa UP Los Banos asin nagtapos sa University of Nueva Caceres na kinua an kursong Batsilyer en Artes, major sa Ingles. Igdi sa UNC, siya nagin editor-in-chief kan magasin literaryo "The Grassroots" (1969-70).

Karera baguhon

Nakatapsok siya sa industriya nin Komunikasyon sa dai pighuna-hunang pangyayari. Siya kinua ni Roy Torrecampo, manager igdi, bilang newswriter sa ABS-CBN kan si Rufo Tuy naghale sa istasyon nin radyong ini ta nagbalyo sa DZDR. Poon kaidto, naimbwelto nang gayo siya sa mga peryodiko ta siya nagin kolumnista (dara an tagong-ngaran na Gurmesindo B. Valladolid) sa Bicol Monitor na pagrorogaring ni Boboy alfelor kan Syudad nin Iriga, halawig na kolumnista sa Bikol Reporter (dara an pangaran na Oca de Naga). Sa halipot na panahon siya nagtrabaho sa Bicol River Basin Development Program (BRBDP) alagad nagdemitir igdi ta siya nagkandidato para bise-alkalde kan Milaor kun saen siya nakaluwas asin nagtukaw sa duwang termino(1980-86). Kan an alkalde kan Milaor na si Roger Flores nagbutas sa pwesto, si Verdadero iyo an nagsalo kan si duwang taon na natada sa pwesto.

Libro baguhon

  • Ini An Totoo: Politika. Midya. Pamilya, Istorya, Asin Iba Pa. (2021) 253 pahina. Pinalagda kan Goldprint Publishing House. ISBN 970 000 000 000 0

Organisasyon baguhon

Si Verdadero saro sa kagtogdas-kaapil kan Sarong Banggi, an pinakadakulang kasararoan kultural nin mga dating estudyudanteng Bikolnon naghahale sa iba-ibang eskwelahan sa Syudad nin Naga (igdi sa syudad na ini nagpoon) asin ngonyan lakop na sa bilog na kinaban. Siya myembro man sa Sumaro Bikolnon, sarong kaayonan historiko-kultural na base sa syudad nin Naga.

Toltolan baguhon

  1. [1]en.m.wikipedia.org. Kinua 2019-05-05
  2. Ernie G. Verdadero. the Paper. Vol. 3. 18-24 December 2002.ISSN 0119-836X, p. 219.