Si Rodolfo Vera Quizon Sr. (Hulyo 25, 1928Hulyo 10, 2012) sarong komedyante asin aktor na Filipino. Bantog sa bansag na Dolphy, siya an hinihiling na "Hade nin Komedya" kan Filipinas sa lawig kan saiyang pagigin aktor sa entablado, radyo, telebisyon asin pelikula.[1][2]

Si Dolphy

Enot nabisto siya sa pelikulang Isang Sulyap Mo Tita kan kinontrata siyang artista kan Sampaguita Pictures. Nagputok ini sa takilya mala ta tina'wan na siyang starring role sa Jack & Jill kun saen pinapelan niya an sarong bakla na tugang man nin sarong tomboy.

Mga enot na taon baguhon

Si Dolphy namundag sa Kalye Padre Herrera (ngonyan P. Herrera St. na) sa Tondo, Manila. An mga magurang niya iyo sinda Melencio Quizon asin Adorable Quizon (nee Espinosa). An ama niya sarong trabahador sa makina nin bapor sa Atlantic Gulf and Pacific Company kan Manila. Siya an ikaduwa sa matua sa sampolong magturugang.

Si Dolphy nagtinda nin mani asin sandia kan siya aki pa sa mga sinehan kaya pirme siya libre magdalan sa mga ini. Mga edad niya 13 kan an Ikaduwang Gerang Pankinaban nagbungkaras. Kan mga panahon na idto an ginigibo niya mag limpiabota, magtakod butones sa mga pantalon sa sarong pabrika, magpisanpisan nin mga bote susog sa tamanyo, kargador sa piyer, magbarobariwas asin magkutsero sa kalesa pa ngane. Kun libre siya, nagdadalandalan siya kan mga stage show sa Life Theater asin Avenue Theater. Sinasabing an mga paborito niyang mga artista iyo sinda Pugo asin Togo asin an parabayleng Benny Mack asin Bayani Casimiro.

Nagpoon siyang magpapel sa entablado durante kan tyempo Hapon. Si Dolphy mag'didisyete na kan kinua siya ni Benny Mack na magin chorus dancer nin sarong bulan sa Avenue Theatre tapos sa Lyric Theatre. Nagluwas man siya sa mga pasale sa Orient Theatre. Golay an enot niyang bansag sa entablado. Pag napito ta may nagdadangadang na mabomba, pinopondo ngona an pasale ta gabos natarago. Napadagos pagpasale kun mayong bombang pighurulog.

Pelikula baguhon

Telebisyon baguhon

Mga onra asin pagmidbid baguhon

FAMAS Awards

  • 1978 Pinakamahusay na Aktor, Omeng Satanasia

Luna Awards ( Film Academy of the Phil.)

  • 2011 Pinakamahusay na Aktor, Father Jejemon

PMPC Star Awards para sa TV

  • 1992–1995, Pinakamanhusay na Komedyante Aktor, Home Along Da Riles
  • 1986–1988, 1990 Pinakamahusay na Komedyanteng Aktor, John En Marsha
  • 2008 Pinakamahusay na Komedyanteng Aktor, John En Shirley

Metro Manila Film Festival

  • 1974 Pinakamahusay na Aktor, (Manila Film Festival)
  • 1990 Pinakamahusay na Aktor, Espadang Patpat
  • 2010 Pinakamahusay na Katuwang na Aktor, Rosario
  • 2010 Pinakamahusay na Aktor, Father Jejemon

Mga panluwas na takod baguhon

Toltolan baguhon

  1. Avendaño, Christine O. (2010-11-09). "President honors Dolphy with Grand Collar". Inquirer.net. Kinua 2012-07-13.
  2. (2009-10-28). "'Dolphy at 80' World Tour". Global Nation. Kinua 2012-07-13.