An Balisong (Ingles, butterfly knife) sarong toro-tiklop na patarom o lansita na may duwang sarongan magkabaak nakatakod sa saiyang arag na pwedeng itago an tarom mismo sa sarongan paagi nin pagtiklop pawitik kaini asin an tarom nasasaray sa li'gi' kaini, asin pagbinuka an duwang baak na sarong, an tarom napapaluwas naman. Ini inaapod man na Batangas balisong, veinte nueve asin igdi sa Filipinas, tradisyunal na ginigibo sa probinsya nin Batangas, pero totoo an balisong ginigibo man sa Hapon, Estados Unidos, Tsina asin Korea.

Balisong
Binukang balisong, an sa too may duwang-tarom

Sinasabi na an terminong "balisong" hale sa duwang kataga': bali asin sungay na boot sabihon an mga bare' nang sungoy damulag iyo an ginagamit sa pagpolo igdi. An balisong pwede man na gibohon na an tarom ibong-ibong, o sa sarong ibong mayong tarom asin iyo an kwenta bangig na kaini. May ginigibo man kaini na mayo kinakaagan tarom ta gamit sana ini sa pagpraktis pagkawat sa pagtoro-tiklop kaini na dai malulugadan an kagpraktis.

Ngonyan an pagdara asin paggibo kaini sa dakul na mga nasyon pinagmando nang ilegal gibo kan an patarom na ini peligrosong ipanggadan sa iriwal, arog kan ibang mga lansita na pinapaluwas an tarom paagi nin paghugkot o pagkabig kan tarom paluwas.

An duwang-baak na sarongan kaini parati gibo sa sungoy nin hayop, sa matagas na kahoy, o patos sa makintab na metal, asin ini inaartihan nin pasak na gading, perlas, tingga, bulawan o anoman na kurit-kurit sa pagpagayon kaini.

mga kabtang kan balisong
mga kabtang kan balisong

Mga panluwas na takod baguhon


Toltolan baguhon