Devi-Bhagavata Purana

An Devi Bhagavata Purana (Sanskrito: देवी भागवतपुराणम्, devī bhāgavatapurāṇam), na inaapod man na Srimad Devi Bhagavatam, Srimad Bhagavatam, Bhagavata Purana o Devi Bhagavatam, iyo an saro sa ikakagwalong Mahapurana nin Hinduismo. Kinomposo sa Sanskrito ni Veda Vyasa, an teksto ibinibilang na mayor na purana para sa mga parasamba sa Devi. Binubusol kaini an bhakti (debosyon) pasiring sa Mahadevi, na ini-integrate an mga tema hale sa tradisyon na Shaktadvaitadvada (syncretism of Samkhya asin Advaita Vedanta. sa literal, an dalan kan bakong dualistikong Shakti).

Daan na iskritura kan Devi Bhagavata Purana

Iskulturang gapo kan Devi Durga, Indian Museum, Kolkata

Kompwesto nin kagduwang seksyon na may 318 na kapitulo an Devi-Bhagavata Purana. Kaiba an Devi Mahatmya, iyan an saro sa pinakamahalagang gibo sa Shaktismo, sarong tradisyon sa laog kan Hinduismo na nagsasamba sa mga Devi o Shakti (mga diosa) bilang iyo an primordyal na kaglalang kan uniberso asin iyo an Brahman (pinakang-realidad asin an katotoohan). Isineselbrar an devine feminine bilang iyo an ginikanan kan gabos na eksistensya, an kaglalang, an tagapreserbar asin an tagalaglag kan gabos na bagay, siring man iyo an nag-eempower sa espiritwal na katalingkasan. Mantang an ibang mayor na Purana kan Hinduismo nagsasambit asin sinasamba an mga diosa, an tekstong ini nakasentro sa palibot niya bilang iyo an pangenot na dibinidad. An nakapalaog na pilosopiya kan tekstong ini iyo an istilong Advaita Vedanta na monismo na may kaibang debosyonal na pagsamba sa Shakti (pambabaeng kapangyarihan). Pigtutubodan na iyan iyo an mga sinabi ni Vyasa ki Hadeng Janamejaya, an aking lalaki ni Parikshit.