Casimiro Perfecto
Si Casimiro Ferrer Perfecto sarong edukador, parasurat asin tagapalagdâ kan Sanghiran nin Bikol.
Napangagóm ni Perfecto si Nicolasa Ponte Perfecto asín igwa sinda nin walong aki: an matuáng si Angustia na nagpaagóm ki Francisco Celebrado, Josefa; Concejo na nagpaagóm ki Gabriel Prieto, José, Monserrat na nagpaagóm ki [Ignacio Salgado Sr.], Josefina, Casimiro Jr, Milagros na nagpaagóm ki Salvador Sanchez, Nicolasita na nagpaagóm ki Efrain Opinion Lamprea Sr. na yaon nakaestar sa Mandurriao, Iloilo
Mga isinúrat
baguhonSarô sa matimbáng na isinúrat niyá asín nagin toltólan kan mga historyador ngonyán iyó an artikulong Mga Pagkagiromdom ninsi Aldaw na Tigdorolagan Digdi sa Naga. Ipinalagdâ iní sa Sanghiran nin Bikol kan 1927. Digdí madetalye niyáng ipinagladáwan an mangirhát na pangyári kan mag-alsa an duwáng kabò sa Gwardya Sibil na sindá Felix Plazo asín Elias Angeles. Pina-istorya niyá digdí an saróng empleyado sa Imprenta nindá na nakasaksíng gayó, kaibá an saíyang mga pagmasíd, kan si mga nangyáring purutókan asín baradílan sa haraníng tongód kan paimprentahan. Iní huli ta pirá sanáng dupá an rayô kan paimprentahan sa Simbahan nin San Francisco, kun saen dumán nagpaíli si mga Kastila.
Dakól pa siyáng isinúrat na regular na nagruluwás sa Sanghiran kan iní piráng taón na napalagdâ kan saíyang paimprentahan. Alágad an paimprentahan niyá nadámay sa natomtóm kan tuyong binomba kan mga Amerikano an Palasyo Arsobispado nin Caceres huli sa paghunà na ginagámit iníng pailíhan kan mga soldados na Hapon.
Totoo[nangangaipo nin toltolan], binuhay pa niya an saiyang negosyo na an pigdara nang pangaran, Imprenta, Libreria y Encuadernacion de Casimiro F. Perfecto pakatapos kan gera, alagad pagkahaloyhaloy kaidto naghubo na siya sa Mandurriao, Iloilo.
Kaapil sa Instituto de Lenguaje Nacional
baguhonKan 1937, si Casimiro Perfecto nanombrahan saro sa kaapil kan Instituto de Lenguaje Nacional na minukna sa ri'gon kan CA Nu. 184, s. 1936, na iyo an may mandato sa pagpatalubo asin pagpagantad kan sarong lenggwahe nasyonal sa Filipinas. Siya an kasalihid pigrerepresentar an tataramon na Bicol.[1][2]
Mga toltolan
baguhon
- Kalendariong Bikol. Cecilio Press, Naga City. 1950, 1961, 1975
- Mga Pagkagiromdom ninsi Aldaw na Tigdorolagan Digdi sa Naga. Casimiro F. Perfecto. Sanghiran Nin Bikol. Taon 1. Dec. 1927. Bilang 6, p. 13
- An retrato sinapi sa Bikol Collection, Prof. Maria Lilia F. Realubit. Filipiniana Section. UP Library. University of the Philippines.Retrato rinitoke sa Picassa.
