Bessie Raiche
Si Bessica Faith Raiche née Medlar, midbid bilang Bessie Raiche, (Abril 1875 – 11 Abril 1932) sarong Amerikanang negosyante asin siya an pinakaenot na babaeng abyador sa Amerika. Siya saro man na dentista, asin mediko.
| Bessica Faith Raiche | |
|---|---|
| Ladawan:Bessica Medlar Raiche (October 11, 1910).jpg | |
| Kamundagan | Abril 1875 haraning Beloit, Wisconsin |
| Kagadanan | Abril 11, 1932 Balboa Island, Newport Beach, California |
| Trabaho | Dentista, negosyante, asin mediko |
| Agom | François "Frank" C. Raiche |
| Mga aki | Catherine E. Raiche |
| Mga magurang | Elizabeth asin James B. Medlar |
Si Raiche iyo an pinakaenot na babae sa Estados Unidos na minimidbid nagpalayog solo nin eroplano.[1][2][3][4]
Biograpiya
baguhonSi Bessie Faith Medlar namundag kan Abril 1875 sa Beloit, Wisconsin. An ina niya, si Elizabeth, taga-New Hampshire, asin an saiyang ama , si James B. Medlar, gikan Nweba York. Siya may sarong tugang na babae, si Alice Maude Medlar (1879-?). Kan 1880 an saiyang pamilya nag'eestar sa Rockford, Illinois, asin ta an gamit niyang pangaran "Bessie F. Medler".
Si Raiche sarong proto-feminista: siya nagpapadalagan nnin auto asin nagsusulot bloomers. Siya saro pa man na musiko, pintor, linggwista asin nagbabali sa mga kompetisyon nin paglangoy asin pagkakawat sa badil. Kan 1900 siya ngtatrabaho bilang dentista asin nag'eestar sa New Hampton, New Hampshire, nag'aarkila nin kwarto usar an pangaran na Faith Medlar. Sa 1910 na Senso, si Bessie Faith, an byuda niyang ina na si Elizabeth, asin an tugang na si Alice Maude Medlar nageerestar sa Swampscott, Massachusetts. Susog sa 1910 Sensus, si Bessie sarong mediko asin si Alice sarong maestra sa musika. [5] Si Bessie naagom si François "Frank" C. Raiche (1874-?) kan New Hampshire asin ta sinda nag'isog sa Mineola, New York. An mga magurang ni Frank pareho mga Pranses.
Siya asin saiyang agom naggibo nin Wright-type na biplane sa saindang sala asin tinarakod sa saindang natad.[6] An mga Raiches pgtugfok sainda ng palayaog gibo sana sa kawayan asin telang seda imbes na gamiton an magabat na luna na iyo an ginamit kan magtugang na Wright. Kan Septyembre 16, 1910, sa hinaman sana sa harong na palayog, duman sa Hempstead Plains, New York, si Raiche nagkarekord na siya an enot na babae naglayog solo sa Estados Unidos asin ini minidbid kan Aeronautical Society of America. Si Amelia Earhart naglayog huri na, kan 1927.
Kan Oktobre 13, 1910, si Raiche natawan medalyang bulawan tampok nin dyamante na may surat na "First Woman Aviator in America" na dinuhol ni Hudson Maxim kan Aeronautical Society of America sa sarong pag'onrang pamamanggihan kan kasararoan.[1]
Toltolan
baguhon- ↑ 1.0 1.1 Error sa pag-cite: Imbalidong
<ref>tatak; mayong teksto na ipinagtao para sa reperensiya na pinagngaranan nanytobit - ↑ "Bessie Raiche". AOPA Pilot: 41. May 2014.
- ↑ Eileen F. Lebow (2003), Before Amelia: Women Pilots in the Early Days of Aviation, Potomac Books, pp. 131–144, archived from the original on 2021-01-06, retrieved 2010-03-12 Unknown parameter
|url-status=ignored (help) - ↑ "From the Flying Fields", Aero, 1: 42
- ↑ ancestry.com
- ↑ "Bessie Raiche". Archived from the original on 2021-01-06. Retrieved 2010-03-12. Unknown parameter
|url-status=ignored (help)
Mga panluwas na takod
baguhon| An Wikimedia Commons igwa nin medya dapit sa Bessica Medlar. |
- Bessica Raiche sa Hargrave
- Bessica Raiche sa National Air and Space Museum
.jpg){kind=link}