Bukasan an pangenot na hùyagan
An Balanga kun tanawon sa itaas kan Bukid Samal
Ph locator bataan balanga.png

An Balanga sarong ikaapat na klase syudad na namumugtak sa probinsya nin Bataan, Filipinas.
Igwa ining sukol na 111.63 kilometro kwadrado na kadagaan asin namumugtak sa ikaduwang distrito. Sosog sa sensus kan 2015, igwa ining 96,061 katawo. An designadong zip code kaini iyo 2100.

Nagin siyudad an Balanga sa ri'gon kan Ley Republika Nu. 8984 na pinag'amaan ni Kongresista Enrique "Tet" Garcia.


Agi-agiLiwaton

Dati visita kan Abucay an Balanga bago nagin sarong mision kan mga Dominikano kan Abril 21, 1714. Dangan ini nagin sarong vicario kan Abril 18, 1739 na an patrona si San Jose. Kan an Bataan pigsuway bilang sarong probinsya kan taon 1754, an Balanga an ginibong kabesera kaini. An pangaran kaini naghale sa Pampanggong tataramon na " balanga" na boot sabihon "dulay" o "tapayan".

Mga barangayLiwaton

An Balanga nababanga sa 25 barangay.

  • Bagumbayan
  • Cabog-Cabog
  • Munting Batangas (Cadre)
  • Cataning
  • Central
  • Cupang Proper
  • Cupang West
  • Dangcol (Bernabe)
  • Ibayo
  • Malabia
  • Poblacion Barcenas
  • Puerto Rivas Ibaba
  • Puerto Rivas Itaas
  • San Jose
  • Sibacan
  • Camacho
  • Talisay
  • Tanato
  • Tenejero
  • Tortugas
  • Tuyo
  • Bagong Silang
  • Cupang North
  • Doña Francisca
  • Lote

EdukasyonLiwaton

An Balanga iyo an sentro nin edukasyon sa Bataan. Igwa ini ngonyan nin sarong unibersidad pampubliko, an Bataan Peninsula State University asin magkapirang kolehiyo pribado, na may duwang kampus. An Tomas del Rosario College iyo an saro sa pinakagurang na pribadong institusyon pan-edukasyon; namomogtak ini sa Capitol Drive sa laog kan Barangay San Jose.


Mga iba pang paadalan iyo an Asia Pacific College of Advanced Studies, EastWoods Professional College of Science and Technology (dati, SOFTNET College of Science and Technology), pareho yaon sa Barangay Ibayo, Bataan Heroes Memorial College namomogtak sa Bataan Provincial Expressway, Microcity Computer College yaon sa Capitol Drive, St. Joseph's College sa Tuyo, asin an STI College Balanga sa Barangay Poblacion.

Yaon pa igdi an AMA Computer Learning Center – Balanga, Philippine Women's University - CDCEC Bataan, asin an Proclesia International Inc.

Nalulugar man igdi an pinakadakulang pampublikong haiskul, an Bataan National High School. Mga lataw pang sekundaryang eskwelahan pampubliko iyo an laboratory high school nin Bataan Peninsula State University, asin an Bataan Integrated School.

Mga napipiling marayrahay na pribadong haiskul iyo an departamento sa haiskul kan Tomas del Rosario College, Asia Pacific College of Advanced Studies asin an St. Joseph College's of Balanga, Bataan Infant Jesus School, an bantogan na Bataan Montessori School, Inc.


Mga panluwas na takodLiwaton