Balalong (dyaryo)
An Balalong (1977-1995) saróng semanal na periodiko na rogáring ni Juan Triviño sa Ciudad nin Naga, Filipinas. Minuknâ iní kan 1976.
An nagin editor niya iyo si Alfredo Tria. An editor sa seksyon kan Bikol iyo si Luis Dato asin an Advertising Manager, si Chona T. Gonzales. Duwa mansana an kolumnista kan peryodiko, si Luis General, Jr. (Yesterday in Today) asin si Amanda de los Santos (From a Woman). Kan si Tria nagkaag sadiring peryodiko, an Handiong, an nagsalidang editor kaini iyo mansana si Nonong Triviño, aki kan si dainang Juan Triviño.
An duwang seksyon kan peryodiko, an sa Ingles asin sa Bikol suwian an pakasurat asin pakaimprenta, na kaipohan itanos sa tamang tindog kun babasahon.
An sukol kan papel niya 17.5 pulgada an laba asin 12 pulgada an lakbang asin parati naabot 16 na pahina kan lambang isyu. Ini pinapaimprenta sa Imprenta Bicolana, imprentahan na rogaring mansana ni Trivino, asin namogtak sa Nu. 963 Blumentritt St, sa syudad nin Naga. An opisina kan Balalong yaon man sa edipisyo kan imprentahan.
An peryodikong ini iyo an nagtolod asin nagpangenot sa pagmukna kan kaayonan na Academiang Bikol na pinamayohan ni Juan Triviño asin natogdas kan Des. 1976.
An nasabing peryodiko asin imprentahan pareho mayo na.
Ginunoan
baguhon- Mga isyu kan peryodikong Balalong (1976,1977,1978)
