Ayam (kopya)
An ayam (아얌) sarong tradisyunal na kopyang panlipot kan Korea na parating sinusulot kan kababayihan sa panahon nin Joseon (1392 – 1910) para sa proteksyon kontra sa lipot.[1] Inaapod man ining aegeom na kung sain an literal na boot sabihon kaini iyo an "tinatakupan an sarong angog" sa Koryano. Igwang sarong listahan sa kasaysayan na nagsasambit na an mga opisyal sa sarong hababang klase iyo an inaapod na iseo (이서, 吏胥) na nagsulot nin ayam sa inot na parte kan panahon nin Joseon, kaya ini sarong kopyang pwede sa babaye asin lalaki. Arog pa man kaito, bakong klarado kung an korte kadtong panahon na idto, kaparehas kan sa huring yugto. Kadtong huring parte kan panahon nin Joseon, komon an sarong ayam na isinusulot kan mga babayeng karaniwan na tawo. Lalo na sa sulnopan na parte kan Korea, an kisaeng (mga babaeng Korean entertainer) iyo an parating nagsusulot nin ayam, asin isinusulot man an mga ini bilang simpleng pormal na pandong sa payo.[2]
| Ayam | |
 Pigmodernong ayam | |
| Korean name | |
|---|---|
| Hangul | 아얌 / 액엄 |
| Hanja | 額掩 |
| Pigrebersong Romanisasyon | ayam /aegeom |
| McCune–Reischauer | ayam / aekŏm |
Komposisyon
baguhonKomon bininilog an ayam nin mobu (모부, sarong korona) asin deurim (드림) na may korteng daenggi (댕기) o sarong dakulaon na laso. An langkaw na 4–5 cm na parte kan mobu sarong pinong nakakubrekama, an patindog na linya kan atubangan urog na halipot kisa sa likod. Sa irarom na gilid, mas hubog an atubangan na parte kaysa sa likod. Bilang kadugangan, medyo kurbado an mga patindog na linya kan atubangan asin, kaya baga, pag may sulot na ayam, sakto ini sa payo kan sarong tawo. An itom o lila na sutla, piggagamit para sa itaas na pigtahi na parte kan panluwas na tela, mantang an itom o maitom na baroron na balikag piggagamit para sa natatadang parte kan mobu. An tela para sa panlaog iyo an pulang gapas na planel.[2]
An tasel na nakakabit sa itaas na tahaw kan parehas na hampang asin likod haros arok na pula asin an mga pisi na konektado gikan sa magkabalyuhan na gilid garo mga patag na tirintas. Arog pa man kaito, an pirang ayam na isinusulot kan kisaeng, magarbong dinikurasyunan nin darakula asin magarbong hiyas, arog kan jade, amber, o orpiment, sa mga borlas kan magkabalyuhan na lado.[2]
Igwang duwang klase nin deurim na nakasabit sa likod kan ayam. An saro ginibo gamit an duwang sheet kan tela na igwang lakwat na 9–10 cm na medyo pinagsararo. An saro gibo sa sarong sheet nin tela sa 18–20 cm an lakwat, na nakatiklop an tahaw. Sa katahawan na linya kan 'deurim iyo an mga dekorasyon kan jade, amber, asin iba pang hiyas, asin an laba komon na lagpas sa 100 cm. An ayam na isinusulot para sa tagsibol asin taglagas igwang parehas na kortw arog kan sa taglipot, alagad gibo ini sa mas magian na seda.[2]
Hilingon man
baguhonMga pinagkuanan
baguhon- ↑ "Hanboks(Traditional Clothings)". Headgear and Accessories Worn Together with Hanbok. Korea Tourism Organization. Archived from the original on 2013-10-02. Retrieved 2008-09-16. Unknown parameter
|url-status=ignored (help) - ↑ 2.0 2.1 2.2 2.3 아얌 (in Korean). Nate / EncyKorea. Archived from the original on 2011-06-10. Retrieved 2008-09-16. Unknown parameter
|url-status=ignored (help)
- Yu Hui-gyeong (유희경, 柳喜卿) (1980). Research on Korean Costume (한국복식사연구) (in Korean). Ewha Women's University Publishing.
