Ashvin

An Ashvin o Ashwin o Ashwan (Bengali: আশ্বিন; Hindi: आश्विन; Odia: ଆଶ୍ୱିନ; Malay/Indonesian: Aswin; Thai: Asawin), na inaapod man na Aswayuja, iyo an ikapitong bulan kan kalendaryong lunisolar na Hindu, an kalendaryong solar Tamil, kun saen iyan midbid bilang Aipassi, asin an solar na nasyonal na kalendaryo nin India. Ini an ikaanom na bulan kan kalendaryong solar Bengali asin an ikapito sa lunar na Indiyanong kalendaryo kan Deccan Plateau. Iyan namumugtak sa kapanahonan nin Shôrot (Hindi Sharad), o Tagrakdag. Sa Vedic Jyotish, an Ashwin nagpopoon sa paglaog kan Saldang sa Birgo.

Selebrasyon kan Durga Puja iyo an highlight kan bulan nin Asvin sa rehiyon nin Bengal

Pigseselebrar ini nin Setyembre asin Oktubre kan Gregoryanong kalendaryo asin iyo an bulan kun saen an Diwali, an kapiyestahan nin mga ilaw, sineselebrar susog sa tradisyon nin amanta (an Diwali namogtak sa Kartika segun sa tradisyon na purnimanta). Sa lunar na relihiyosong mga kalendaryo, an Ashwin minapoon sa bagong bulan o sa kabilogan nin bulan kan panahon kan equinox nin Setyembre.