Arkanghel

An mga arkanghel (Kastila: arcangel; Ingles: archangel) kaapil sa ikaduwang koro nin mga anghel. An mga arkanghel yaon sa magkapirang relihiyosong tradisyon, kabali na diyan an Kristianismo, Islam, Hudaismo, asin Soroastrianismo.

Si San Miguel ginagarod si Lucifer

An duwang Arkanghel na si San Miguel asin San Gabriel magkataid. Orthodox icon kan Monasterio ni Santa Caterina, Mount Sinai

An katagang arkanghel guminikan sa Griyegong tataramon na αρχάγγελος archangelos. Sa iba-ibang kultura, an mga pangaran kan mga Arkanghel ginagamit parati komo kangaranan (enot na pangaran) nin mga lalake.

Sa Kristiyanismo

Si Miguel iyo sana an inapod na arkanghel sa Bibliya siring sa binibisto pareho kan mga Katoliko asin mga Protestanteng denominasyon. Si Gabriel, nabanggit sa Lukas, konsideradong arkanghel, siring man ki Rafael, na nabanggitan sa Libro ni Tobit, asin si Uriel na nasambitan sa Libro ni Enoch. An Libro ni Tobit asin an Libro ni Enoch pareho kabali sa Kanon kan Katolikong Bibliya alagad hinihiling ini kan mga Protestante na apokripal (makaduda kun siisay talaga an kagsurat). An mga arkanghel na sinda Miguel, Gabriel asin Rafael tinatawan omaw na gayo sa Simbahan Katolika mala ta may kapiyestahan an tolong ini tuyong Septyembre 29.

Sa popular na kultura

Paggamit bilang tatak

Ginibong logo kan Ginebra San Miguel, Inc. (sarong kompanya sa Filipinas), an akto ni Arkanghel San Miguel sa saiyang pagtigbas ki Lucifer. Ini nakata'pil sa boteng kwatro kantos kan gin na Ginebra S. Miguel.

Mga panluwas na takod

• Artikulo manongod sa mga Arkangel-.http://www.paranormality.com/archangel.shtml
• Catholic Encyclopedia- http://www.newadvent.org/cathen/10275b.htm

Toltolan

1. Estatuwa ni San Miguel sa Laog kan Simbahan nin Pamplona, Camarines Sur. March 23, 2009.
2. An Banal na Biblia. Paulines Publishing House. Manila. 2007