Ara Mina
Si Hazel Pascual Reyes (namundag, Mayo 9, 1979) sarong Filipinang akttres, parakanta, endorser, asin negosyante. Siya midbid sa pangaran niyang pang'entablado Ara Mina, na kinua sa enot na mga pangaran kan duwa niyang n gohod na tugang. Pinakamatua sa 9 na magturugang, siya nagdakula sa Syudad nin Marikina, kasaro an saiyang ina na si Francis Marie Klenk asin padrastong si Romeo Reyes. An tunay niyang ama sa dugo iyo an politikong si, Chuck Mathay. Si Hazel o Ara may aking babae pangaran Amanda Gabrielle na an ama iyo si Alkalde Patrick Meneses.
| Ara Mina | |
|---|---|
| Kamundagan | Hazel Pascual Reyes Mayo 9, 1979 Manila, Filipinas |
| Iba pang mga ngaran | Ara, Dara Mina, Danica Gomez |
| Trabaho | Aktres, endorser, entrepreneur asin parakanta |
| Mga taon na aktibo | 1993–presente |
| Mga aki | 1 |
| Sadiring-tao | Cristine Reyes (half-sister) Chuck Mathay (biological father) Mel Mathay (biological paternal grandfather) |
Karera
baguhonSi Ara Mina nagin kaayon sa industriya nin entertainment kan Filipinas sa edad na 14 anyos paagi kan programang pang-hubin, That's Entertainment, na pig'amaan asin pigmamato kan si dai-nang Master Showman, si Mr. German "Kuya Germs" Moreno. Poon kaidto, si Ara nagbida na sa mga 40 show na pangtelebisyon asin 60 pelikula, nagpaluwas naman nin 3 recording album, asin nakaresibi nin magkapirang pagmidbid hale sa pirang taga-gawad na mga kaayonan. Ginana niya an enot na acting award para sa Pinakamarayrahay na Aktres sa pelikulang Mano Po sa Metro Manila Film Festival kan 2002. Sunod na taon (2003), nakasikwit pa siyang 3 gawad bilang Pinakamarayrahay na Aktres hale sa Manila Film Festival, FAMAS asin Golden Screen Awards para sa pelikulang Ang Huling Birhen Sa Lupa. Ginana niya man an Golden Screen Awards asin Star Awards kan 2004 para sa Best Supporting Actress sa drama sa Filipinas huli sa pagpapel niya bilang siya si Luna sa Minsan Pa.
Si Ara marayrahay man an rekord bilang artista sa musika. An saiyang pinatitulohan asin enot na album sa Star Records na dara an kantang nagsikat "Ay, Ay, Ay, Pag-Ibig" nakasikwit nin gold record award pakalihis pirang bulan pagluwas kaini. Huli kaini, an kompanyang rekording nagpaluwas pang sarong album para saiya na tituladong "Heavenly", na nagbenta man husto asin kabali an track "Oops Teka Lang" na iyo an theme song kan pelikulang pareho an titulo na pigbidahan ni Robin Padilla asin Claudine Barretto sa irarom kan Star Cinema. An saiyang bersyon kan kanta ni Rey Valera'ng nagin uso, an "Kung Kailangan Mo Ako" ginamit man na theme song kan ABS-CBN sa telebisyon na seryeng Sa Sandaling Kailangan Mo Ako. Kan 2008, siya nagprodusyer kan ika-3ng album paagi sa Sony BMG. Linalaman ini kan mga popular na kantang "What Do We Mean To Each Other" ni Sergio Mendes, "Somebody" ni Depeche Mode, asin "Very Special Love" ni Maureen McGovern.
Si Ara nakua an mga puso kan mga myembro kan prensa huli sa mahusay siyang makiramas sa mga pag'iriba niya. Nakasikwit siya nin magkapirang mga pagsambit bilang "Darling of the Press" sa laog kan 24 taon na yaon siya sa industriya.
Siya maski saen na kamugtakan, nakakabagay ta iba-ibang genre sa mga show sa telebisyon kaya niyang bagayan magin man ini sitcom o magabat na drama. An Super Klenk, iyo an enot niyang sitcom sa telebisyon kun saen siya nagpapel bilang sarong super heroine, asin pinahiling niya an abilidad niya sa pagpangirit asin listong pag'hiro'. Dangan siya ibinali sa cast kan "Bubble Gang", na iyo an pinakahalawig na lugar niya sa telebisyon. An karakter na kinawat niya sa serye nin telebisyon na Mulawin, Vultra, maoonabihan na gayo. An pinakahuri niyang programa sa telebisyon sa GMA-7 iyo an Pinulot Ka Lang sa Lupa asin ini nagin kabtang man kan pelikulang My Ex and Whys, bida si Enrique Gil asin si Liza Soberano.
Sa tahaw kan saiyang mga naginibohan asin kahamanan, nakaisip pa siyang magkaag nin negosyo, an linea sa skin care o pampagayon kutis Ara's Secret, www.arassecret.com kan 2012. An saiyang produktong pampagayon luwayluway nakukua an tiwala kan mga Filipina sa bilog na kinaban. Kan Pebrero 1917, siya nagbukas kan saiyang kapihan, an Hazelberry Cafe sa Syudad nin Quezon na nagtatangro' nin pagkakan, kape asin mga sopas, pastry saka mga iba-ibang tinapay.
Si Ara may ikinaag man na pilantropo kan 2017, an Ara Mina Foundation, na nagtatabang sa mga aking may kadi'nan sa pagkamundag o pagkaniaki. An pinakangohod niyang tugang, si Mina, namundag may helang na Down's syndrome, na iyo an rason asin dakulang pagbusol saiya na magtogdas nin siring na kawsa.
Toltolan
baguhon
Filmograpiya
baguhonTelebisyon
baguhonPelikula
baguhon| Taon | Titulo | Papel | Tipo nin pagpapel | Kompanyang Nagprodyus |
|---|---|---|---|---|
| 1999 | Tatapatan ko ang lakas Mo | |||
| Phone Sex | Alma | |||
| Alyas Pogi: Ang Pagbabalik | Roselle | |||
| 2000 | Ayos na... ang Kasunod | Amor | ||
| 2002 | Diskarte | Amanda | ||
| Mano Po | Richelle Go | |||
| 2003 | Ang Huling Birhen sa Lupa | Lorena | ||
| Fantastic Man | Helen / Diabolica | |||
| 2004 | Singles | Raia | ||
| Minsan Pa | Luna | |||
| 2005 | Shake, Rattle and Roll 2k5 | Janice | ||
| 2007 | Selda | Sita | ||
| 2008 | Anak ng Kumander | |||
| Ate | Helen | |||
| 2011 | Tumbok | Rita | ||
| Shake, Rattle and Roll 13 | Beth | |||
| 2013 | Menor de Edad | Edna | ||
| 2016 | Girlfriend for Hire | Auntie Melba | ||
| 2017 | My Ex and Whys | |||
| This Time I'll Be Sweeter |
Pasib
baguhon| Taon | Kaggawad | Kategorya | Trabaho | Resulta | |
|---|---|---|---|---|---|
| 2007 | 24th PMPC Star Awards for Movies | Movie Supporting Actress of the Year | Selda | Nominated | |
| 2005 | 19th PMPC Star Awards for TV | Best Drama Actress | Mulawin | Nominated | |
| 21st PMPC Star Awards for Movies | Best Supporting Actress | Minsan Pa | Won | ||
| 2004 | 20th PMPC Star Awards for Movies | Best Actress | Ang Huling Birhen Sa Lupa | Nominated | |
| 52nd FAMAS Awards | Best Actress | Ang Huling Birhen Sa Lupa | Won | ||
| 2004 | Golden Screen Awards | Best Supporting Actress | Minsan Pa | Won | |
| 2003 | Golden Screen Awards | Best Actress | Ang Huling Birhen Sa Lupa | Won | |
| 2003 | Guillermo Mendoza Memorial Awards | Ms. RP Movies | Mano Po | Won | |
| 2003 | Manila Film Festival | Best Actress | Ang Huling Birhen Sa Lupa | Won | |
| 2002 | Metro Manila Film Festival | Best Actress | Mano Po | Won | |
| 2000 | Guillermo Mendoza Memorial Awards | Most Promising Female Singer | Won | ||
| 1999 | Guillermo Mendoza Memorial Awards | Popular Princess of RP Movies | Won | ||
| 2002 | Metro Manila Film Festival | Best Actress | Mano Po | Won | [3] |
Toltolan
baguhon- ↑ [1]
- ↑ "Christine Reyes celebrates 20th birthday at Golden Acres". Archived from the original on 2019-04-02. Retrieved 2019-04-02.
- ↑ "Metro Manila Film Festival:2002". IMDB. Retrieved 2014-04-09.