Aprikang Habagatan

An Aprikang Habagatan iyo an pinakang parteng habagatan kan kontinente nin Aprika, na nagiiba-iba an mga pagdolonan depende sa geograpiya asin sa geopolitika. Sakop kan nasabing rona iyo an dakul na mga teritoryo, kaiba na diyan an Aprikang Sur (tagamanang nasyon kan si dating Unyon nin Aprikang Sur).

An mapa kan Aprika kun saen ipinapaheling an kinamomogtakan kan Aprikang Habagatan

Sa pagpipisan kan mga ronang geograpiko kan Sinararong Nasyon (United Nations), limang nasyon an kinokomponir kan Aprikang Habagatan:

• Botswana
• Lesoto
• Namibya
• Aprikang Sur
• Swazilandya

An Southern African Customs Union (SACU), minukna kan 1969, kinokomponir man an limang mga banwang ini kan subrehiyon nin Aprikang Habagatan kan Sinararong Nasyon.

Sa ibang klasipikasyon an Aprikang Habagatan binibilog kan mga minasunod na mga nasyon: Angola, Botswana, Lesoto, Malawi, Mosambike, Namibya, Aprikang Sur, Swasilandya, Sambiya asin Simbabwe. An isla nin Madagaskar dai ibinale ta iba man na maray an saiyang lenggwahe asin kultura.

Geograpiya

An tereno kan Aprikang Habagatan manlaenlaen, may kadlagan, may kadodootan, may desyerto. An ronang ini igwang patag na mga kosa asin may mga bukid-bukidon man.

Kun sa rekursos naturales an paguurulayan, an ronang ini iyo an may pinakadakulang rekurso nin platinum asin kan grupo nin mga elemento sa platinum arog kan chronium, vandium, cobalt asin man an uranium, bulawan, titanium. iron asin diamante.

Impeksyon sa AIDS

An Aprikang Habagatan igwa ngonyan nin saro sa pinahalangkaw na impeksyon sa AIDS.