Anthony Weiner

Si Anthony David Weiner (sinasayod /ˈwiːnər/; pinangaki Septyembre 4, 1964) iyo an E.U. na Representante para sa Nweba York, ika-9 na distrito, na kabali na diyan an ibang parte kan habagatan nin Brooklyn asin habagatan y sentral na parte kan Queens. Si Weiner sarong Demokrata asin nagkapot nin katongdan poon pa kan 1999. Siya enot pang naelihir sa E.U. na Kamara de Representante sa 1998 sa tangang-taon na eleksyon, sa paghipno sa pwesto na dating okupado ni Demokratang Charles Schumer ta an huri nagdalagan asin nanggana sa pwesto sa E.U. na Senado kan taon mansanang iyan. Nadaog ni Weiner an saiyang Republikanong kalaban, si Louis Telano, sa botong 66 porsyento kontra 23 porsyento. Siya naman libyanong na'elihir anom na beses sa parehong pwesto, mala ta kan 2010 nasikwit niya an 59 porsyento kan boto. Kan 2005ng eleksyon totoo dai siya naka'asba sa pagkandidato niya para Alkalde kan Nweba York. Enot pa ka'yan si Weiner myembro kan Konseho nin Nweba York poon 1992 abot 1998, asin siya man sarong aide ni dating E.U. na Representanteng si Schumer (1985-1991). Siya tapos sa kolehiyo sa State University of New York sa Plattsburgh.

Si Anthony D. Weiner

Kan Hunyo 2011, pakatapos kan saiyang pagparapahimutik, si Kongresista Weiner inako man giraray na siya daa nagparapadara nin mga retratong usmak kan saiyang sadiri sa magkapirang babae na nagpaparasunod saiya sa Twitter, bago siya kinasal asin maski pa nakasal na siya ki Huma Abedin, sarong haloyan nang katiwala ni Hillary Clinton.

Mga panluwas na takod

• Congressman Anthony Weiner official U.S. House site
• Anthony Weiner official campaign site
• Anthony Weiner sa YouTube
• Live from New York, It's Anthony Weiner Archived 2012-09-01 at the Wayback Machine.. Daphna Berman, Moment Magazine, Mayo/Hunyo 2011
• Video of Weiner's June 6, 2011 Press conference (CBS News), with transcript (New York Post), Hunyo 6, 2011