Anak Agung Gde Sobrat
Si Anak Agung Gde Sobrat (1912–1992) pintor sa Indonesya.
| Anak Agung Gde Sobrat | |
|---|---|
| Kamundagan | 1912 Padangtegal, Ubud |
| Kagadanan | 1992 |
| Nasyunalidad | Indones |
| Midbid bilang | Pintor |
Biograpiya
baguhonKaamayi nin buhay
baguhonSi Sobrat aki nin sarong aristokratang pamilya gikan sa banwaan nin Padangtegal sa Ubud. Bago mag Ikaduwang Gerang Pankinaban, siya inaapod man na I Dewa Sobrat.[1] Bilang sarong aki pa, siya nabalad na sa iba-ibang porma nin arte siring kan ani-aninong pasali, asin mga bayling seremonyal sa mga templo kan komunidad. Nakanood siyang maggibo mga aro-aninong puppet sa saiyang lolo. Ini an nagin base kan saiyang mga mahusay na pagladawan kan Ramayana asin Mahabharata sa mga amay na mga pintura niya.
Impluwensya ni Walter Spies
baguhonSi Sobrat asin kataid-harong niyang Anak Agung Gde Meregeg iyo an mga enot na artista sa Padangtegal na masumpongan si Walter Spies, paghinapos kan 1920.[2] Si Spies sarong Aleman na artista na kairiba si Rudolf Bonnet iyo an pighuna na nakapamoderno kan arte Balines.[3] Si Sobrat nagtrabaho asin nakiestar ki Spies nin santaon.[4] An impluwensya ni Spies mahihiling sa mga amay na trabaho ni Sobra, orog na idtong may baak o dobleng horizon. Siya nakanood man kan estilong Sulnopan na pagpipintura ki Spies asin ki Rudolf Bonnet. Kan mga amay na panahon nin 1930, kinokonsiderar ni Bonnet si Sobrat na saro sa hustong matale na artistang Balines huli sa husay niya sa pagdrowing, pagtitimpla nin mga kolor asin adaptilidad. Ki Bonnet nakua ni Sobrat an pagportrait.
Poon 1957 abot 1959 si Sobrat nagtukdo sa Academy of Fine Arts sa Yogyakarta.
Trabaho
baguhonKaamayi kan saiyang karera, bago mag1930, si Sobrat nagpoprodyusir haros mga Wayang (shadow style) na pagpipintura. An iba kan saiyang mga amay na pintura makukua sa Museo Puri Lukisan sa Ubud, Bali, Indonesya. Si Sobrat nagmukna nin mga retrato, kadakulan kaini iyo an sa aki niyang babae.
Pagsabat
baguhonSi Bonnet nagsurat minsan na si Anak Agung Gde Sobrat iyo an pinakamahusay asin talentadong artista sa Bali.[1] An saiyang mga obra makukua sa magkapirang museo sa bilog na kinaban: Bali Museum; Museum Puri Lukisan - Ubud, Bali; Rijksmuseum voor Volkenkunde - Leiden; asin Tropenmuseum - Amsterdam.[4] Sa Bali, an saiyang bago-maggera asin modernong trabaho mahihiling sa Museo nin Puri Lukisan.[5]
Toltolan
baguhon- ↑ 1.0 1.1 Rudolf Bonnet (1936), Beeldende Kunst in Gianjar, Djawa, Vol. 6
- ↑ Hans Rhodius and John Darling, Walter Spies and Balinese Art, Terra (1980)
- ↑ Spanjaard, Helena (December 2007). Pioneers of Balinese Painting. KIT Publishers. ISBN 978-90-6832-447-1. Archived from the original on 2009-08-06. Retrieved 2008-12-26. Unknown parameter
|url-status=ignored (help) - ↑ 4.0 4.1 Haks, Frans; Kunsthal Rotterdam (1999). Pre-war Balinese Modernists, 1928-1942. Ars et Animatio. ISBN 90-5349-297-6.
- ↑ Jean Couteau, Museum Puri Lukisan Catalog, 1999
