Aïda Yazbeck

Si Sister Aïda Yazbeck sarong Katolikong madre na iyo an Direktor kan Al-Mouna Cultural Center sa N'Djaména, Chad. An saiyang trabaho nakatutok sa pag-edukar kan mga internasyunal asin domestikong mga grupo asin mga NGO manungod sa pag-iriwal sa tahaw kan pirang mga grupo sa nasyun kan Chad. Sa pagtukdo sa mga tawo manungod sa pagresolba kan iriwal, an saiyang organisasyon igwa nin katuyohan na maitulod an pagrespeto sa mga manlain-lain na kultural na grupo asin pagpabantog ak katuninongan sa manlain-lain na aspeto kan buhay.

Sister Aïda Yazbeck
Nasyunalidad	Chad
Trabaho	Catholic nun
Employer	Diocese of N'Djaména
Organisasyon	Al-Mouna Cultural Center
Midbid bilang	Conflict resolution training

Aktibismo

Si Sister Yazbeck asin an saiyang foundation nagtrabaho kaiba an mga grupo sa luwas kan Chad tangani na itulod an pagmidbid sa resolusyon sa pag-iiriwal. Kaiba kaini an Swiss Embassy in Chad dangan an Geneva Cordoba Foundation, na nagtabang na magtukdo sa mga tawohan kan Cultural Center na maintindihan an mga manlain-lain na klase nin iriwal dangan kun pano ini maresolbar nin matuninong.

Kan Abril 2020, si Sister Yazbeck nagtabang man sa paglaban sa COVID-19 pandemic. Kaiba an pira pang mga boluntaryo sa Cultural Center, si Yazbeck nagtabang magpanao nin hand sanitizer, inumon, asin face masks duman sa mga nangangaipuhan. Dugang pa, nagtabang man sya mag organisar nin kampanyang virtual awareness manungod sa pagkontrol kan epekto kan pandemya.