Zero Freitas
Si José Roberto "Zero" Alves Freitas (namundag mga 1955) sarong Brasilyanong negosyante nakadamot na nin sobra 8 milyon na plakang vinyl. Ini na daa an pinakadakul na natipon sa bilog na kinaban. Igwa pa man syang koleksyon nin sobra 100,000 na compact disc.[1][2]
Mga inot na taon
baguhonSi Freitas namundag mga 1955. Kan sya aki pa, ibinakal sya kan saiyang ama nin hi-fi stereo na kalakip na an 200 album. Ini an nasabrit asin naggatong sa saiyang interes sa musika. Kan an koleksyon maraot sa sarong baha, an ginibo nya nagdamot giraray siya kan parehong album. Natungod man an saiyang ina igwa man nin nasasaray na 400–500 na album na urog nagpakusog sa saiyang interes. Primerong binakal nyang plaka titulado Canta para a Juventud ni Roberto Carlos na saiyang nakamit kan Disyembre 1964. Paghali nya sa hayskul, igwa na syang nadamot na 3,000 na rekord. Si Freitas nag-adal music composition sa kolehiyo dangan sya na an nagpadalagan kan pamilyang negosyo sa transport, na may mga bus nagbabyahe sa syudad kan São Paulo. Kan nag-eedad na syang 30, an koleksyon nya nagpakol na sa 25–30,000 na plaka.[3]
Pagbakal
baguhonDati skreto sana an pagbabakal nya nin mga plaka. Pinapaagi nya sa mga advertisement sa mga magasin arog kan 'Billboard' na siring an pasabot: "RECORD COLLECTIONS. We BUY any record collection. Any style of music. We pay HIGHER prices than anyone else." asin nakua syang ahente sa pag-areglo kan barakalan. Saiyang binakal an tadang koleksyon na 200,000 na rekord sa Colony Records kan New's Times Square kan magsara an tindahan kan 2012, nabakal nya an stock kan Modern Sound Store nin Rio de Janeiro haros kasabay sa pagbakal nya kan yaon sa New York, asin kan 2013 inubos nya an koleksyon ni Paul Mawhinney kan Record-Rama na tinutubod kaidto iyo na an may kadamutan na pinakadakul. Saiya pa man nabakal an saray ni Murray Gershenz kan an tindahan kaining Music Man Murray Record Shop sa Los Angeles nagsara na.[4]
Plano
baguhonSi Freitas nagpaplano magtugdok nin tambubong kun sain masasaray an dagmang na koleksyon nya na saiya daang aapudon na Emporium Musical.[5]
